лаккхан̣асам̣йутта

ат̣т̣хисутта

пуччха̄ – лаккхан̣асам̣йутте пана̄вусо пора̄н̣акехи дхаммасам̣га̄хакаттхерехи пат̣хамам̣ сам̣гӣтам̣ ат̣т̣хисуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – ра̄джагахе бханте а̄йасмантан̃ча лаккхан̣ам̣ а̄йасмантан̃ча маха̄моггалла̄нам̣ а̄раббха бха̄ситам̣. а̄йасма̄ бханте лаккхан̣о бхагавата̄ саммукхе а̄йасмантам̣ маха̄моггалла̄нам̣ етадавоча ‘‘идха̄йасма̄ маха̄моггалла̄но гиджджхакӯт̣а̄ паббата̄ ороханто ан̃н̃атарасмим̣ падесе ситам̣ па̄тва̄ка̄си, ко ну кхо а̄вусо моггалла̄на хету, ко паччайо ситасса па̄тукамма̄йа̄’’ти. а̄йасма̄ ча бханте маха̄моггалла̄но ‘‘идха̄хам̣ а̄вусо гиджджхакӯт̣а̄ паббата̄ ороханто аддасам̣ ат̣т̣хикасан̇кхаликам̣ веха̄сам̣ гаччхантим̣’’ти евама̄дина̄ а̄рочеси. тасмим̣ бханте ваттхусмим̣ ‘‘чаккхубхӯта̄ вата бхиккхаве са̄вака̄ вихаранти, н̃а̄н̣абхӯта̄ вата бхиккхаве са̄вака̄ вихаранти, йатрахи на̄ма са̄вако еварӯпам̣ н̃ассати ва̄ даккхати ва̄ саккхим̣ ва̄ кариссатӣ’’ти евама̄дина̄ бхагавата̄ бха̄ситам̣.

аччхарийам̣ вата бхо, аббхутам̣ вата бхо;

еварӯпопи на̄ма сатто бхависсати.

пин̣д̣асутта

пуччха̄ – тена̄вусо джа̄ната̄…пе… самма̄самбуддхена лаккхан̣асам̣йутте татийам̣ сам̣гӣтам̣ пин̣д̣асуттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – ра̄джагахе бханте а̄йасмантан̃ча лаккхан̣ам̣ а̄йасмантан̃ча маха̄моггалла̄нам̣ а̄раббха бха̄ситам̣. а̄йасма̄ бханте лаккхан̣о бхаггавато саммукхе а̄йасмантам̣ маха̄моггалла̄нам̣ етадавоча ‘‘идха̄йасма̄ маха̄моггалла̄но гиджджхакӯт̣а̄ паббата̄ ороханто ан̃н̃атарасмим̣ падесе ситам̣ па̄тва̄ка̄си, ко нукхо а̄вусо моггалла̄нахету, ко паччайо ситасса па̄тукамма̄йа̄’’ти. а̄йасма̄ ча бханте маха̄моггалла̄но ‘‘идха̄хам̣ а̄вусо гиджджхакӯт̣а̄ паббата̄ ороханто аддасам̣ мам̣сапин̣д̣ам̣ веха̄сам̣ гаччхантам̣, таменам̣ гиджджха̄пи ка̄ка̄пи кулала̄пи анупатитва̄ анупатитва̄ витаччхенти вира̄дженти. са̄ судам̣ ат̣т̣ассарам̣ каротӣ’’ти евама̄дина̄ а̄рочеси. тасмим̣ бханте ваттхусмим̣ ‘‘чаккхубхӯта̄ вата бхиккхаве са̄вака̄ вихаранти, н̃а̄н̣абхӯта̄ вата бхиккхаве са̄вака̄ вихаранти, йатрахи на̄ма са̄вако еварӯпам̣ н̃ассати ва̄ даккхати ва̄ саккхим̣ ва̄ кариссатӣ’’ти евама̄дина̄ бхагавата̄ бха̄ситам̣.

асиломасутта

пуччха̄ – таттхева а̄вусо пора̄н̣акехи дхаммасам̣га̄хакехи маха̄тхерехи сам̣гӣтам̣ асиломасуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – ра̄джагахе бханте а̄йасмантан̃ча лаккхан̣ам̣ а̄йасмантан̃ча маха̄моггалла̄нам̣ а̄раббха бха̄ситам̣. а̄йасма̄ бханте лаккхан̣о бхагавато саммукхе а̄йасмантам̣ маха̄моггалла̄нам̣ етадавоча ‘‘ко ну кхо а̄вусо моггалла̄на хету, ко паччайо ситасса па̄тукамма̄йа̄’’ти. а̄йасма̄ ча бханте маха̄моггалла̄наттхеро ‘‘идха̄хам̣ а̄вусо гиджджхакӯт̣а̄ паббата̄ ороханто аддасам̣ асиломам̣ веха̄сам̣ гаччхантам̣’’ти евама̄дина̄ а̄рочеси. тасмим̣ бханте ваттхусмим̣ чаккхубхӯта̄ вата бхиккхаве са̄вака̄ вихаранти, н̃а̄н̣абхӯта̄ вата бхиккхаве са̄вака̄ вихаранти. (пеййа̄ла) есо бхиккхаве сатто имасмим̣йева ра̄джагахе сӯкарико ахосӣ’’ти евама̄дина̄ бхагавата̄ бха̄ситам̣.

сӯчиломасутта

пуччха̄ – таттхева а̄вусо пора̄н̣акехи дхаммасам̣га̄хакамаха̄тхерехи сам̣гӣтам̣ сӯчиломасуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – таттхева бханте ра̄джагахе а̄йасмантан̃ча лаккхан̣ам̣ а̄йасмантан̃ча маха̄моггалла̄нам̣ а̄раббха бха̄ситам̣. а̄йасма̄ бханте лаккхан̣о бхагавато саммукхе татхева авоча.

а̄йасма̄ ча бханте маха̄моггалла̄но татхева а̄рочеси. тасмим̣ бханте ваттхусмим̣ ‘‘чаккхубхӯта̄ вата бхиккхаве са̄вака̄ вихаранти, н̃а̄н̣абхӯта̄ вата бхиккхаве са̄вака̄ вихаранти, (пеййа̄ла) есо бхиккхаве сатто имасмим̣йева ра̄джагахе сӯто ахосӣ’’ти евама̄дина̄ бхагавата̄ бха̄сита̄.

па̄пабхиккхусутта

пуччха̄ – таттхева а̄вусо пора̄н̣акехи дхаммасам̣га̄хакамаха̄тхерехи сам̣гӣта̄ни па̄пабхиккхусутта̄дӣни пан̃часутта̄ни бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄сита̄ни.

виссаджджана̄ – ра̄джагахе а̄йасмантан̃ча лаккхан̣ам̣ а̄йасмантан̃ча маха̄моггалла̄нам̣ а̄раббха бха̄сита̄ни. а̄йасма̄ бханте лаккхан̣о бхагавато саммукхе пуббе вуттанайенева а̄рочеси. а̄йасма̄ ча бханте маха̄моггалла̄но ‘‘идха̄хам̣ а̄вусо гиджджхакӯт̣а̄ паббата̄ ороханто аддасам̣ бхиккхум̣ веха̄сам̣ гаччхантам̣. аддасам̣ бхиккхуним̣ веха̄сам̣ гаччхантим̣. аддасам̣ сиккхама̄нам̣ веха̄сам̣ гаччхантим̣. аддасам̣ са̄ман̣ерам̣ веха̄сам̣ гаччхантам̣. аддасам̣ са̄ман̣ерим̣ веха̄сам̣ гаччхантим̣. тасса̄ сан̇гха̄т̣ипи а̄дитта̄ сампаджджалита̄ саджотибхӯта̄, паттопи а̄дитто сампаджджалито саджотибхӯто, ка̄йабандханампи а̄диттам̣ сампаджджалитам̣ саджотибхӯтам̣, ка̄йопи а̄дитто сампаджджалито саджотибхӯто, са̄ судам̣ ат̣т̣ассарам̣ каротӣ’’ти евама̄дина̄ а̄рочеси. тасмим̣ бханте ваттхусмим̣ ‘‘чаккхубхӯта̄ вата бхиккхаве са̄вака̄ вихаранти н̃а̄н̣абхӯта̄ вата бхиккхаве са̄вака̄ вихаранти. (пеййа̄ла). есо бхиккхаве бхиккху кассапассасамма̄самбуддхасса па̄вачане па̄пабхиккху ахоси. еса̄ бхиккхаве бхиккхунӣ кассапасса самма̄самбуддхасса па̄вачане па̄пабхиккхунӣ ахоси. еса̄ бхиккхаве сиккхама̄на̄ кассапасса самма̄самбуддхасса па̄вачане па̄пасиккхама̄на̄ ахоси. есо бхиккхаве са̄ман̣еро кассапассасамма̄самбуддхасса па̄вачане па̄паса̄ман̣еро ахоси. еса̄ бхиккхаве са̄ман̣ерӣ кассапасса самма̄самбуддхасса па̄вачане па̄паса̄ман̣ерӣ ахосӣ’’ти евама̄дина̄ бхагавата̄ бха̄сита̄ни.