анаматаггасам̣йутта

патхавӣсутта

пуччха̄ – анаматаггасам̣йутте а̄вусо дутийам̣ сам̣гӣтам̣ патхавӣсуттам̣ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха ‘‘анаматаггойам̣ бхиккхаве сам̣са̄ро, пубба̄ кот̣и на пан̃н̃а̄йати авиджджа̄нӣваран̣а̄нам̣ сатта̄нам̣ тан̣ха̄сам̣йоджана̄нам̣ сандха̄ватам̣ сам̣саратам̣. сеййатха̄пи бхиккхаве пурисо имам̣ маха̄патхавим̣ колат̣т̣химаттам̣ колат̣т̣химаттам̣ маттика̄гул̣икам̣ каритва̄ никкхипеййа ‘айам̣ ме пийа̄, тасса ме питу айам̣ пита̄’ти. апарийа̄динна̄ва бхиккхаве тасса пурисасса питупитаро ассу. атха̄йам̣ маха̄патхавӣ париккхайам̣ парийа̄да̄нам̣ гаччхеййа. там̣ киссахету, анаматаггойам̣ бхиккхаве сам̣са̄ро, пубба̄ кот̣и на пан̃н̃а̄йати авиджджа̄нӣваран̣а̄нам̣ сатта̄нам̣ тан̣ха̄ сам̣йоджана̄нам̣ сандха̄ватам̣ сам̣саратам̣’’ евама̄дина̄ бхагавата̄ бха̄ситам̣.

евам̣ дӣгхараттам̣ во бхиккхаве дуккхам̣ паччанубхӯтам̣ тиббам̣ паччанубхӯтам̣ бйасанам̣ паччанубхӯтам̣ кат̣асӣ вад̣д̣хита̄.

аламева саббасан̇кха̄ресу ниббиндитум̣,

алам̣ вираджджитум̣, алам̣ вимуччитум̣,

ассусутта

пуччха̄ – таттха̄вусо татийам̣ сам̣гӣтам̣ ассусуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте самбахулейева бхиккхӯ а̄раббха ‘‘там̣ ким̣ ман̃н̃атха бхиккхаве, катамам̣ ну кхо бахутарам̣, йам̣ ва̄ во имина̄ дӣгхена аддхуна̄ сандха̄ватам̣ сам̣саратам̣ амана̄пасампайога̄ мана̄павиппайога̄ канданта̄нам̣ роданта̄нам̣ ассу пассаннам̣ паггхаритам̣, йам̣ ва̄ чатӯсу маха̄самуддесу удака’’нти евама̄дина̄ бхагавата̄ бха̄ситам̣.

са̄сапасутта

пуччха̄ – таттха̄вусо чхат̣т̣хам̣ сам̣гӣтам̣ са̄сапасуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ан̃н̃атарам̣ бхиккхум̣ а̄раббха бха̄ситам̣. ан̃н̃атаро бханте бхиккху бхагавантам̣ етадавоча ‘‘кӣвадӣгхо ну кхо бханте каппо’’ти. тасмим̣ бханте ваттхусмим̣ ‘‘дӣгхо кхо бхиккху каппо, со на сукаро сан̇кха̄тум̣ еттака̄ни васса̄ни итива̄, (пеййа̄ла) еттака̄ни вассасатасахасса̄ни итива̄ти евама̄дина̄ бхагавата̄ бха̄ситам̣.

ган̇га̄сутта

пуччха̄ – тена̄вусо…пе… самма̄самбуддхена анаматаггасам̣йутте ган̇га̄суттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – ра̄джагахе бханте ан̃н̃атарам̣ бра̄хман̣ам̣ а̄раббха бха̄ситам̣. ан̃н̃атаро бханте бра̄хман̣о бхагавантам̣ етадавоча ‘‘кӣва-

бахука̄ ну кхо бхо готама каппа̄ аббхатӣта̄ атикканта̄’’ти. тасмим̣ бханте ваттхусмим̣ ‘‘бахука̄ кхо бра̄хман̣а каппа̄ аббхатӣта̄ атикканта̄, те на сукара̄ сан̇кха̄тум̣ ‘еттака̄ каппа̄’ ити ва̄ ‘еттака̄ни каппасата̄ни’ ити ва̄ ‘еттака̄ни каппасахасса̄ни’ итива̄ ‘еттака̄ни каппасатасахасса̄ни’ ити ва̄’’ти ева ма̄дина̄ бхагавата̄ бха̄ситам̣.

пуггаласутта

пуччха̄ – пуггаласуттам̣ пана̄вусо бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – ра̄джагахе бханте самбахуле бхиккхӯ а̄раббха ‘‘анаматаггойам̣ бхиккхаве сам̣са̄ро, пубба̄кот̣и на пан̃н̃а̄йати авиджджа̄ нӣваран̣а̄нам̣ сатта̄нам̣ тан̣ха̄сам̣йоджана̄нам̣ сандха̄ватам̣ сам̣саратам̣. екапуггаласса бхиккхаве каппам̣ сандха̄вато сам̣сарато сийа̄ евам̣ маха̄ ат̣т̣хикан̇кало ат̣т̣хипун̃джо ат̣т̣хира̄си, йатха̄ йам̣ вепулло паббато. саче сам̣ха̄рако асса, самбхатан̃ча на винассетйа̄’’ти евама̄дина̄ бхагавата̄ бха̄ситам̣.

дуггатасутта, сукхитасутта

пуччха̄ – таттха̄вусо дуггатасуттан̃ча сукхитасуттан̃ча бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха ‘‘анаматаггойам̣ бхиккхаве сам̣са̄ро, пубба̄ кот̣и на пан̃н̃а̄йати авиджджа̄нӣваран̣а̄нам̣ сатта̄нам̣ тан̣ха̄сам̣йоджана̄нам̣ сандха̄ватам̣ сам̣саратам̣. йам̣ бхиккхаве пассеййа̄тха дуггатам̣ дурӯпетам̣, нит̣т̣хаметтха гантаббам̣ ‘амхехипи еварӯпам̣ паччанубхӯтам̣ имина̄ дӣгхена аддхуна̄’ти, йам̣ бхиккхаве пассеййа̄тха сукхитам̣ сусаджджитам̣,

нит̣т̣хаметтха гантаббам̣, ‘‘амхехипи паччанубхӯтам̣ имина̄ дӣгхена аддхуна̄’’ти евама̄дина̄ бхагавата̄ бха̄ситам̣.

тим̣саматтасутта

пуччха̄ – тим̣саматтасуттам̣ пана̄вусо бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – ра̄джагахе бханте тим̣саматте па̄веййаке бхиккхӯ а̄раббха ‘‘анаматаггойам̣ бхиккхаве сам̣са̄ро, пубба̄кот̣и на пан̃н̃а̄йати авиджджа̄нӣваран̣а̄нам̣ сатта̄нам̣ тан̣ха̄сам̣йоджана̄нам̣ сандха̄ватам̣ сам̣саратам̣. там̣ ким̣ ман̃н̃атха бхиккхаве, катамам̣ ну кхо бахутарам̣, йам̣ ва̄ во имина̄ дӣгхена аддхуна̄ сандха̄ватам̣ сам̣саратам̣ сӣсаччхинна̄нам̣ лохитам̣ пассаннам̣ паггхаритам̣, йам̣ ва̄ чатӯсу маха̄самуддесу удака’’нти евама̄дина̄ бхавагата̄ бха̄ситам̣.

ма̄тусутта

пуччха̄ – ма̄тусутта̄дӣни пана̄вусо чхасутта̄ни бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха ‘‘анаматаггойам̣ бхиккхаве сам̣са̄ро, пубба̄ кот̣и на пан̃н̃а̄йати авиджджа̄нӣваран̣а̄нам̣ сатта̄нам̣ тан̣ха̄сам̣йоджана̄нам̣ сандха̄ватам̣ сам̣саратам̣. на со бхиккхаве сатто сулабхарӯпо, йо на ма̄та̄бхӯтапуббо имина̄ дӣгхена аддхуна̄. йо на пита̄бхӯтапуббо. йо на бха̄та̄бхӯтапуббо. йо на бхагинибхӯтапуббо. йо на путтабхӯтапуббо. йо на дхӣта̄бхӯтапуббо имина̄ дӣгхена аддхуна̄’’ти евама̄дина̄ бханте бхагавата̄ бха̄ситам̣.