кассапасам̣йутта

чандӯпамасутта

пуччха̄ – кассапасам̣йутте пана̄вусо чандӯпамасуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха ‘‘чандӯпама̄ бхиккхаве кула̄ни упасан̇каматха апакассева ка̄йам̣ апакасса читтам̣ ниччанавака̄ кулесу аппагаббха̄. сеййатха̄пи бхиккхаве пурисо джарудапа̄нам̣ ва̄ олокеййа паббатависамам̣ ва̄ надӣвидуггам̣ ва̄ апакассева ка̄йам̣ апакасса читтам̣. евамева кхо бхиккхаве чандӯпама̄ кула̄ни упасан̇каматха апакассева ка̄йам̣ апакасса читтам̣ ниччанавака̄ кулесу аппагаббха̄’’ти евама̄дина̄ бхагавата̄ бха̄ситам̣.

там̣ ким̣ ман̃н̃атха бхиккхаве, катхам̣ рӯпа̄ бхиккху арахати кула̄ни упасан̇камитум̣.

пуччха̄ – катхан̃ча̄вусо таттха бхагавата̄ парисуддха̄парисуддха дхаммадесанам̣ дассетва̄ бхиккхӯнам̣ ова̄до динно.

виссаджджана̄ – ‘‘там̣ ким̣ ман̃н̃атха бхиккхаве, катхам̣ рӯпасса бхиккхуно апарисуддха̄ дхаммадесана̄ хоти, катхам̣ рӯпасса бхиккхуно парисуддха̄ дхаммадесана̄ хотӣ’’ти евама̄дина̄ парисуддха̄парисуддхадхаммадесана̄ виттха̄рато дассетва̄ ‘‘кассапена ва̄ хи во бхиккхаве овадисса̄ми йо ва̄ панасса кассапасадисо, овадитехи ча пана во татхатта̄йа пат̣ипаджджитабба’’нти. евам̣ кхо бханте бхагавато бхиккхӯнам̣ ова̄до динно.

йо хи кочи бхиккхаве бхиккху евам̣читто паресам̣ дхаммам̣ десети ‘‘ахо вата ме дхаммам̣ сун̣еййум̣, сутва̄ ча пана дхаммам̣ пасӣдеййум̣, пасанна̄ ча ме пасанна̄ка̄рам̣ кареййум̣–

сва̄ккха̄то бхагавата̄ дхаммо сандит̣т̣хико ака̄лико ехи пассико опанеййико паччаттам̣ ведитаббо вин̃н̃ӯхи–

кассапена ва̄ хи во бхиккхаве овадисса̄ми йо ва̄ панасса кассапасадисо, овадитехи ча пана во татхатта̄йа пат̣ипаджджитаббам̣–

кулӯпакасутта

пуччха̄ – тена̄вусо бхагавата̄…пе… самма̄самбуддхена кассапасам̣йутте чатуттхам̣ кулӯпакасуттам̣ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха ‘‘там̣ ким̣ ман̃н̃атха бхиккхаве, катхам̣ рӯпо бхиккху арахати кулӯпако хотум̣, катхам̣ рӯпо бхиккху на арахати кулӯпако хоту’’нти евама̄дина̄ бхагавата̄ бха̄ситам̣.

кассапена ва̄ хи во бхиккхаве овадисса̄ми йо ва̄ панасса кассапасадисо, овадитехи ча пана во татхатта̄йа пат̣ипаджджитаббам̣.

дутийа ова̄дасутта

пуччха̄ – таттхева̄вусо бхагавата̄ дутийа ова̄дасуттам̣ каттха кена саддхим̣ катхан̃ча бха̄ситам̣.

виссаджджана̄ – ра̄джагахе бханте а̄йасмата̄ маха̄кассапена саддхим̣ ‘‘овада кассапа бхиккхӯ, карохи кассапа бхиккхӯнам̣ дхаммим̣ катхам̣, ахам̣ ва̄ кассапа бхиккхӯ овадеййам̣ твам̣ ва̄, ахам̣ ва̄ бхиккхӯнам̣ дхаммим̣ катхам̣ кареййам̣ твам̣ ва̄’’ти евама̄дина̄ бхагавата̄ бха̄ситам̣.

йасса кассачи бханте саддха̄ наттхи кусалесу дхаммесу, хирӣ наттхи. оттаппам̣ наттхи. вӣрийам̣ наттхи. пан̃н̃а̄ наттхи кусалесу дхаммесу.

татийа ова̄дасутта

пуччха̄ – таттхева̄вусо бхагавата̄ татийаова̄дасуттам̣ каттха кена саддхим̣ катхан̃ча бха̄ситам̣.

виссаджджана̄ – ра̄джагахе бханте а̄йасмата̄йева маха̄кассапена саддхим̣ ‘‘овада кассапа бхиккхӯ. карохи кассапа бхиккхӯнам̣ дхаммим̣ катхам̣, ахам̣ ва̄ кассапа бхиккхӯ овадеййам̣ твам̣ ва̄. ахам̣ ва̄ бхиккхӯнам̣ дхаммам̣ катхам̣ кареййам̣ твам̣ ва̄’’ти евама̄дина̄ бхагавата̄ бха̄ситам̣.

дуббача̄ кхо бханте етарахи бхиккхӯ довачассакаран̣ехи дхаммехи саманна̄гата̄ аккхама̄ аппадаккхин̣агга̄хино ануса̄саним̣–

саддхаммаппатирӯпакасутта

пуччха̄ – таттхева̄вусо бхагавата̄ парийоса̄нам̣ саддхаммаппатирӯпакасуттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте а̄йасмантам̣йева маха̄кассапам̣ а̄раббха бха̄ситам̣. а̄йасма̄ бханте маха̄кассапо бхагавантам̣ етадевоча ‘‘ко ну кхо бханте хету ко паччайо, йена пуббе аппатара̄ни чева сиккха̄пада̄ни ахесум̣, бахутара̄ ча бхиккхӯ ан̃н̃а̄йа сан̣т̣хахим̣су. ко пана бханте хету ко паччайо, йенетарахи бахутара̄ни чева саккха̄пада̄ни аппатара̄ ча бхиккхӯ ан̃н̃а̄йа сан̣т̣хахантӣ’’ти. тасмим̣ бханте ваттхусмим̣ ‘‘еван̃четам̣ кассапа хоти саттесу ха̄йама̄несу саддхамме антарадха̄йама̄не бахутара̄ничева сиккха̄пада̄ни хонти, аппатара̄ча бхиккхӯ ан̃н̃а̄йа сан̣т̣хахантӣ’’ти евама̄дина̄ бхагавата̄ бха̄ситам̣.