9. пан̃хе

паччхимам̣ паччхимам̣ падантиа̄дӣсу пан̃хоти пуримам̣ падам̣, сампуччхана̄ти паччхимам̣ падантиа̄дина̄ дат̣т̣хаббам̣. самечча ан̃н̃аман̃н̃ам̣ пуччхана̄ сампуччхана̄, йа̄чанам̣ дехӣ тйа̄дина̄ йа̄чанаматтхам̣, ит̣т̣хасса̄сампаттасса̄ттханамит̣т̣ха̄сим̣санам̣. паттака̄лавасена ча висайабхедена бхинна̄йа пӣти йоджетва̄ аттхо дат̣т̣хаббо. паттака̄лам̣ дассети нимиттабхӯтасса̄тиа̄дина̄. нимиттабхӯтасса̄ти там̣там̣киччасампаджджане ка̄ран̣абхӯтасса. видхи на̄ма дит̣т̣хадхаммикасампара̄йика нимантан̣а̄мантан̣а̄джджхесанапесана̄ни. еттха ча анун̃н̃а̄паттака̄лесу ча пан̃чамӣ вихита̄ парехи, дит̣т̣хадхаммика̄дӣсу пан̃часу саттамӣ. идха пана те двепи видхивисеса̄йева̄ти видхимхи антокаритва̄ еййа̄дим̣ видха̄тум̣ йам̣ вуттам̣ вуттика̄рена, тадида̄ни ваттука̄мо а̄ха- ‘анун̃н̃а̄паттака̄лесупи’чча̄ди. видхиппатӣтимева пака̄сети ‘евам̣ кареййа̄сӣ’’тичча̄дина̄. ануджа̄нантопи дӣпентопи кирийа̄су бйа̄па̄ретийева̄ти бйа̄па̄ран̣ампатӣтитоти йоджетва̄ аттхо ведитаббо.

песанепи кесан̃чи бйа̄каран̣ан̃н̃ӯнам̣ саттамӣвидхиччхитотивуттика̄рена йам̣ вуттам̣, там̣ да̄ни ваттума̄ха- ‘песане пи’чча̄ди. самӯлатанти кесан̃чи саддика̄нам̣ саттамӣвидхивидха̄намӯлена самӯлатам̣. ‘‘ануматипарикаппаттхесу саттамӣ’’ти (3-1-11) качча̄насуттам̣. каттумиччхато парасса ануджа̄нанам̣ анумати, парикаппанам̣ саллаккхан̣ам̣ нирӯпанам̣ парикаппо хетупхалакирийа̄ самбхаво ча, тасмим̣ ануматйаттхе ча парикаппаттхе ча саттамӣвибхатти хотӣти аттхо. аттхаггахан̣ена видхинимантан̣а̄мантан̣а̄джджхесана паттхана̄паттака̄лесу ча.