44. бха̄ва

ка̄ракам̣ са̄дхакам̣ ниббаттаканти анаттхантарам̣. кароти кирийам̣ ниббаттети нимиттабха̄вена̄ти ка̄ракам̣. катта̄дӣнам̣ кирийа̄нимиттаттанту сайамева ‘таттха катта̄’тиа̄дина̄ бхедена пака̄сайиссати. кирийа̄нимиттам̣… ниббаттакесу катта̄дӣсу чхасупи рул̣хатта̄ тенеттха катта̄ва̄ттаппадха̄но, каран̣а̄дайопйаппадха̄на̄ ка̄ракабйападесо лаббханте… ан̃н̃атха̄ ка̄ракасаддена тесам̣ гахан̣ам̣ на сийа̄ти. кимидам̣ ка̄ракантйа̄ха- ‘саттика̄рака’нти. евам̣ чарахи дабба̄дӣнам̣ катхам̣ ка̄ракаттамичча̄ха- ‘тададхикаран̣а̄’тиа̄ди. тасса̄ саттийа̄ а̄дха̄ра̄ ниссайа̄ти аттхо, пум̣ напум̣саке адхикаран̣асаддо. тесу дабба̄ дӣсу тит̣т̣хатӣти татрат̣т̣ха̄, сатти. тасса̄ бха̄во татрат̣т̣хата̄, та̄йа. атха дабба̄дӣнам̣ мукхйато ка̄ракатте сати кима̄йа̄тантйа̄ха ‘йади’чча̄ди.

тесанти катта̄дика̄рака̄нам̣. ан̃н̃аман̃н̃абйа̄вуттарӯпатта̄ти ан̃н̃аман̃н̃ато бйа̄вуттам̣ ниваттам̣ рӯпам̣ каран̣а̄дисабха̄во йесам̣ катта̄ди ка̄рака̄нам̣ те татха̄ вутта̄, тесам̣ бха̄во таттам̣ тасма̄. каран̣а рӯпанти каран̣ам̣ рӯпам̣ сабха̄во йасса адхикаран̣асса там̣ татха̄ вуттам̣. еван̃часатико досочча̄ха ‘татха̄ че’чча̄ди. кеначи сукараттена саппадха̄наттавачаниччха̄йам̣ ‘тха̄лӣ пачатӣ’ти бхавати. татревуккам̣савача ниччха̄йам̣ ‘тха̄лийа̄ пачатӣ’ти.

еван̃чакатва̄ти нипа̄тасамуда̄йо-йам̣ хетваттхо. тасма̄ти аттхо. катта̄ нимиттанти самбандхо. каттут̣т̣хакирийа̄нимиттасса каттуно уда̄харан̣ам̣ ‘хасати наччатӣ’ти. тадаттхети та̄йа каммасамава̄йинийа̄ пачана̄дикирийа̄йа аттхе адхиссайана̄дайо паваттенто кирийа̄йа нимиттанти самбандхо. евамупарипи.

оданам̣ пачати девадаттоти каммат̣т̣хакирийа̄йа нимиттабхӯтасса каттуно уда̄харан̣ам̣. бха̄джанасан̇кхаран̣амадхиссайанам̣. а̄дисаддена тан̣д̣улавапанаиндхана̄пахаран̣а̄дайо гайханти. двидха̄паттийанти руккха̄дӣнам̣ двидха̄ паваттийам̣.

бйа̄панети самбандхе. гирадха̄туто аппаччайе- ‘‘еонама ван̣н̣е’’ти (137) сутте ‘аван̣н̣ети йогавибха̄гато гака̄ре ика̄расса аттам̣ хотӣти дассетума̄ха- ‘аван̣н̣ети йогавибха̄га̄ аттам̣ исса̄’ти. ан̃н̃атха̄пи пат̣ипа̄детума̄ха- ‘есса ва̄’тиа̄ди. есса̄ти ‘‘лахуссупантхасса̄’’ти (5-87) катаесса. сакалена̄ти ‘еонама ван̣н̣е’’ти сакалена суттена. пурӣти нипа̄то.

ӣсаккароти биндулопо, двиттам̣, са̄ман̃н̃ена видха̄натоти паресам̣ висесавидха̄насаббха̄вама̄ха. ган̣ика̄лайам̣ ган̣ика̄нам̣ гехам̣. непатхйама̄каппо. даттоладдхоти паччайасса каммаса̄дханаттам̣ дӣпетум̣вуттам̣. вина̄лин̇гавачанехи па̄т̣ипадикаттхам̣ ниддиситум̣ на сакка̄ти бха̄вети саббалин̇гасан̇кхйа̄самбандхайоггапа̄т̣ипадикаттхаса̄ман̃н̃е паччайанимиттаттена гахитепи са̄ман̃н̃е чаритаттхатта̄ лин̇гавачанам̣ наппадха̄нанти ит̣т̣хиа̄вудхантӣ иттхи напум̣сакебха̄ве, па̄ка̄ти бахувачанепи бха̄ве бхавати ева.