69. джана̄

‘‘тадассат̣т̣ха̄намӣйо ча̄’’ти (2-8-13) качча̄йанасуттасса̄йа маттхо ‘‘тадассат̣т̣ха̄намиччетасмим̣ аттхе чхат̣т̣хийантато ӣйаппаччайо хотӣ’ти. тена маданасса т̣ха̄нам̣ маданӣйам̣ бандханасса т̣ха̄нам̣ бандханӣйам̣тйа̄дикам̣ са̄дхенти. идха пана татха̄видхасса̄бха̄ва̄ катхам̣ там̣ сиджджхатӣтйа̄сан̇кийа ‘маданӣйа’нтиа̄дикам̣ вуттам̣, там̣ дассетума̄ха- ‘маданӣйа̄диппасиддхийа̄’чча̄ди. са̄дханаккамам̣ дассетума̄ха- ‘еваман̃н̃ате’чча̄ди.

т̣ха̄нанти ка̄ран̣ам̣. ‘‘упаматтха̄йитатта’’нти (2-8-14) качча̄йанасуттасса̄йаматтхо ‘‘упаматтхе а̄йитаттаппаччайо хотӣ’’ти тена дхӯмо вийа диссатӣти дхӯма̄йитаттам̣ тимирамива диссатӣти тимира̄йитаттам̣тйа̄дикам̣ са̄дхентӣти вуттанайамева. тампихачча̄дикам̣ двӣсу са̄дханаккамадассанам̣, дхӯмо вийа диссатӣти дассито йо камматтхо сопи дхӯма̄йӣти каттувасена сакка̄ парикаппетунти каттуса̄дханато дхӯма̄йитасадда̄ сакаттхеттаппаччайепи дхӯмо вийа диссатӣти аттхе а̄йитаттхаппаччайепи на̄ттхабхедо-н̃н̃атравачаниччха̄бхеда̄ти дат̣т̣хаббам̣, бха̄ваттхо пана тесам̣ бха̄ваппадха̄навасена лаббхати, дхӯмассева дассананти виггахе а̄йитаттена ва̄.