51. тасса

нану ча сан̇кхйа̄саддо сан̇кхйа̄не сан̇кхйеййе ча ваттате, катхаметтха сан̇кхйа̄невасита̄ вутти йеневам̣ виваран̣ам̣ катамичча̄ха- ‘йадипи’чча̄ди, пачча̄саннам̣ сан̇кхйа̄саддасса̄ти адхиппа̄йо. имина̄ ча каран̣аса̄дхано-йам̣ пӯран̣асаддоти вин̃н̃а̄пети. йатоти вуттайам̣ саддасамбандхина̄ там̣саддена сети уллин̇гитасса сан̇кхйа̄тиаттхамупадассийа са̄йева пӯрӣйатетӣмасса каммабха̄вена тит̣т̣хатӣти дассетум̣ тена пӯран̣ена пӯрӣйате’ти а̄ха.

сампаджджатети пӯрӣйатетйассаттхама̄чиккхати. аненетам̣ дассети ‘‘(на) гхат̣ика̄дӣнамива дабба̄нам̣ даббантаре на̄тириттӣкаран̣ам̣ сан̇кхйа̄йа пӯран̣ам̣ кин̃чарахи тасса самаппаттийева̄’’ти. атха ка̄йам̣ вачойутти ‘са̄сан̇кхйа̄ пӯрӣйате йене’ти, йа̄вата̄ са̄ти йасма̄ паччайо вихито тасса сан̇кхйа̄саддасса пара̄ма̄со тасса ча пӯран̣ена абхедочча̄сан̇кийа̄ха- ‘абхеденоччате сан̇кхйа̄ пӯрӣйате йенетӣ’ти абхидха̄на̄бхидхеййа̄намабхедопача̄рена вуччатӣтйаттхо, сан̇кхйеййапӯран̣е д̣о на хотӣти ватва̄ тадаттхам̣ вибха̄ветума̄ха- ‘два̄дасанна’мичча̄ди. со гхат̣о та̄сам̣ гхат̣ика̄нам̣ пӯран̣о дабба̄нам̣ даббантаре на̄ти риттӣкаран̣авасена. вӣсатийа̄ пӯран̣отиа̄дина̄ виггахо.