34. сара

т̣ха̄насамбандхети т̣хити т̣ха̄нам̣ пасан̇го, самбандханам̣-самбандхо, т̣ха̄нйа̄десабха̄валаккхан̣о т̣ха̄нейоганимиттабхӯто самбандхо т̣ха̄насамбандхо тасмим̣, две рӯпа̄ни хонтӣти имина̄ на сарӯпаппадха̄ноти дасситам̣ хотӣти самбандхо, хетума̄ха-‘бахувачананиддеса̄’ти, две рӯпа̄нихонтӣтйа̄ди вачанамидам̣ [падамидам̣ (поттхаке)] дассети ‘‘сарӯпаппадха̄непи двисадде двисаддаса̄ман̃н̃ена сан̇кхйа̄двисадда̄нусит̣т̣хам̣ наппайуджджате, тасса (пана) сан̇кхйеййавачанасан̇кхйа̄бха̄ва̄ екавачанамева ( ) [(пана) (поттхаке)] хотӣ’’ти, имина̄ ча-ттхаппадха̄но-йам̣ ниддесо на сарӯпаппадха̄ноти дассети, адхипатипаччайо адхипатиппаччайоти аниччам̣, идха на хоти идха модатӣти, там̣ кхан̣анти еттха екан̇гавикалам̣ паччуда̄харан̣анти сарамха̄ паратта̄бха̄ва̄ на двиттам̣.