20. н̃ака̄

а̄дйанта̄ти вутте катхамавайава̄тйайаматтхо лаббхатӣ тйа̄ха-‘а̄дйантасадда̄нами’чча̄ди, а̄дйантасадда̄нам̣ нийатавайавава̄читта̄ авайавасса ча̄вайавина̄мантарена̄ самбхавато са̄маттхийа̄вайавӣ лаккхӣйати, чхат̣т̣хийа̄тйанувуттито ва̄вайава̄вайависамбандхеса̄ чхат̣т̣хӣ, та̄йа ниддит̣т̣хасса̄тйайаматтхо вин̃н̃а̄йатети вуттийам̣-‘чхат̣т̣хӣниддит̣т̣хасса̄’ти (вуттам̣), тенева паччайавидхимхи кӯппаччайа̄дайо на доса̄ бхавантӣти, атойева̄ти тадавайава̄читтатойева, таггахан̣енети авайаваггахан̣ена, ката̄катаппасан̇гитта̄ти отте катепи акатепи вука̄гамасса пасан̇гато, бхӯйаттатта̄ хи оттасса бхӯггахан̣е сати катепи отте вука̄гамена бхавитаббамакатепи татова ‘‘ката̄катаппа сан̇гӣ йо видхи саниччо’’ти ниччатта̄ оттам̣ ба̄дхитва̄ вука̄гамо хоти, атха вука̄гаме паччха̄ тена на бхавитаббанти а̄ха-‘анта̄вайаве’чча̄ди.