18. ва̄ну

‘‘чхат̣т̣хийантассе’’тйаненева̄висесена ва̄нубандхака̄рийепйантасса сиддхе киматтхойама̄рамбхотйа̄сан̇кийа т̣а̄нубандха̄тйа̄дина̄ вачанапхаламупадассенто ‘ба̄дхакаба̄дханаттхо-йама̄рамбхо’ти-вадати, татха̄хи ‘‘чхат̣т̣хийантассе’’тйасса ба̄дхако ‘‘т̣а̄нубандха̄некаван̣н̣а̄ саббассе’’ти, тасса ча ‘‘ва̄нубандхо’’тйайам̣ його ба̄дхакоти ба̄дхакаба̄дханаттхо сампаджджате, апаиччайамупасагго ваджджане нӣва̄ран̣е, панайане ва̄ ваттатети аподйанте уссаггалаккхан̣а̄ни ваджджӣйанте нӣва̄рӣйанте апанӣйанте ненетйапава̄до, суттекадесена суттамевопалаккхитанти антасса‘чхат̣т̣хийантасса̄’ти суттасса апава̄до анта̄пава̄до, уссаджджате ниваттӣйатйапава̄денетйуссагго, уссагга̄пава̄даккамо панеттха евам̣ ведитаббо ‘‘чхат̣т̣хийантассе’’тйуссагго, тадапава̄да̄ ‘‘т̣а̄нубандха̄некаван̣н̣а̄ саббасса’’ ‘‘ука̄нубандха̄дйанта̄’’ ‘‘ма̄нубандхо сара̄ наманта̄ паро’’ти, ‘‘т̣а̄нубандха̄некаван̣н̣а̄ саббассе’’тйуссагго, тада пава̄да̄ ‘‘ва̄нубандхо’’ ‘‘ма̄нубандхо сара̄наманта̄ паро’’ти.