16. а̄дисса

кин̃чи антасса сампаттанти йам̣ т̣а̄нубандхаманекаван̣н̣ам̣ на хоти, там̣ ‘‘чхат̣т̣хийантассе’’ (1-17) тйантасса паттам̣, кин̃чи саббассети ‘‘т̣а̄нубандха̄некаван̣н̣а̄ саббассети’’ (1-19) т̣а̄нубандхаманекаван̣н̣ан̃ча ка̄рийам̣ саббасса паттам̣. йадантабха̄вика̄рийам̣тйа̄дина̄ вачанапхаламупадассенто ‘чхат̣т̣хӣйантассе’тӣмасса̄пава̄до йам̣ йоготи дассети, тасса̄йама пава̄до хоту т̣а̄нубандха̄дика̄рийам̣ катханти а̄ха-‘т̣а̄нубандхе’чча̄ди, виппат̣иседха̄ти апава̄давиппат̣иседха̄, ‘‘чхат̣т̣хийантассе’ти хи уссагго, тасса̄пава̄да̄ ‘‘а̄дисса’’ ‘‘т̣а̄нубандха̄некаван̣н̣а̄ саббассе’’тйете, ‘‘а̄дисса̄’’тӣмасса̄вака̄со ‘тераса̄’ти, ‘‘т̣а̄нубандха̄некаван̣н̣а̄ саббасса̄’’тӣмасса̄вака̄со ‘есу, анена̄’ти, ихобхайампаппоти ‘‘ато йонам̣ т̣а̄т̣е’’ (2-41) ‘‘нара̄наре’’ ‘‘атена’’ (2-108) ‘‘джанена̄’’ти (таттха) ‘‘т̣а̄нубандха̄некаван̣н̣а̄ саббассе’’тӣдампаваттатӣти тесамапава̄да̄нам̣ виппат̣иседха̄ сабба̄десо бхавати. ‘‘чхат̣т̣хийантасса̄’’ти дасасадде-нтасса паттопи тадапава̄датта̄ ‘‘а̄дисса̄’’тиа̄дибхӯтасса дака̄расса хотӣти а̄ха ‘дака̄рассаро’ти.