11. анупуббаниродхасуттам̣

31. ‘‘навайиме, бхиккхаве, анупуббаниродха̄. катаме нава? пат̣хамам̣ джха̄нам̣ сама̄паннасса ка̄масан̃н̃а̄ [а̄миссасан̃н̃а̄ (сйа̄.)] нируддха̄ хоти; дутийам̣ джха̄нам̣ сама̄паннасса витаккавича̄ра̄ нируддха̄ хонти; татийам̣ джха̄нам̣ сама̄паннасса пӣти нируддха̄ хоти; чатуттхам̣ джха̄нам̣ сама̄паннасса асса̄сапасса̄са̄ нируддха̄ хонти; а̄ка̄са̄нан̃ча̄йатанам̣ сама̄паннасса рӯпасан̃н̃а̄ нируддха̄ хоти; вин̃н̃а̄н̣ан̃ча̄йатанам̣ сама̄паннасса а̄ка̄са̄нан̃ча̄йатанасан̃н̃а̄ нируддха̄ хоти; а̄кин̃чан̃н̃а̄йатанам̣ сама̄паннасса вин̃н̃а̄н̣ан̃ча̄йатанасан̃н̃а̄ нируддха̄ хоти; невасан̃н̃а̄на̄сан̃н̃а̄йатанам̣ сама̄паннасса а̄кин̃чан̃н̃а̄йатанасан̃н̃а̄ нируддха̄ хоти; сан̃н̃а̄ведайитаниродхам̣ сама̄паннасса сан̃н̃а̄ ча ведана̄ ча нируддха̄ хонти. име кхо, бхиккхаве, нава анупуббаниродха̄’’ти [дӣ. ни. 3.344, 349]. ека̄дасамам̣.

сатта̄ва̄савагго татийо.