10. а̄гха̄тапат̣ивинайасуттам̣

30. [дӣ. ни. 3.340, 359] ‘‘навайиме, бхиккхаве, а̄гха̄тапат̣ивинайа̄. катаме нава? ‘анаттхам̣ ме ачари [ачарӣти (сйа̄.), евам̣ ‘‘чарати, чариссати’’ падесупи], там̣ кутеттха лаббха̄’ти а̄гха̄там̣ пат̣ивинети; ‘анаттхам̣ ме чарати, там̣ кутеттха лаббха̄’ти а̄гха̄там̣ пат̣ивинети; ‘анаттхам̣ ме чариссати, там̣ кутеттха лаббха̄’ти а̄гха̄там̣ пат̣ивинети; пийасса ме мана̄пасса анаттхам̣ ачари…пе… анаттхам̣ чарати…пе… ‘анаттхам̣ чариссати, там̣ кутеттха лаббха̄’ти а̄гха̄там̣ пат̣ивинети; аппийасса ме амана̄пасса аттхам̣ ачари…пе… аттхам̣ чарати…пе… ‘аттхам̣ чариссати, там̣ кутеттха лаббха̄’ти а̄гха̄там̣ пат̣ивинети. име кхо, бхиккхаве, нава а̄гха̄тапат̣ивинайа̄’’ти. дасамам̣.