2. арахаттасуттам̣

76. ‘‘чха, бхиккхаве, дхамме аппаха̄йа абхаббо арахаттам̣ саччхика̄тум̣. катаме чха? ма̄нам̣, ома̄нам̣, атима̄нам̣, адхима̄нам̣, тхамбхам̣, атинипа̄там̣. име кхо, бхиккхаве, чха дхамме аппаха̄йа абхаббо арахаттам̣ саччхика̄тум̣.

‘‘чха, бхиккхаве, дхамме паха̄йа бхаббо арахаттам̣ саччхика̄тум̣. катаме чха? ма̄нам̣, ома̄нам̣, атима̄нам̣, адхима̄нам̣, тхамбхам̣, атинипа̄там̣. име кхо, бхиккхаве, чха дхамме паха̄йа бхаббо арахаттам̣ саччхика̄ту’’нти. дутийам̣.