3. уттаримануссадхаммасуттам̣

77. ‘‘чха, бхиккхаве, дхамме аппаха̄йа абхаббо уттаримануссадхаммам̣ аламарийан̃а̄н̣адассанависесам̣ саччхика̄тум̣. катаме чха? мут̣т̣хассаччам̣, асампаджан̃н̃ам̣, индрийесу агуттадва̄ратам̣, бходжане аматтан̃н̃утам̣, куханам̣, лапанам̣. име кхо, бхиккхаве, чха дхамме аппаха̄йа абхаббо уттаримануссадхаммам̣ аламарийан̃а̄н̣адассанависесам̣ саччхика̄тум̣.

‘‘чха, бхиккхаве, дхамме паха̄йа бхаббо уттаримануссадхаммам̣ аламарийан̃а̄н̣адассанависесам̣ саччхика̄тум̣. катаме чха? мут̣т̣хассаччам̣, асампаджан̃н̃ам̣, индрийесу агуттадва̄ратам̣, бходжане аматтан̃н̃утам̣, куханам̣, лапанам̣. име кхо, бхиккхаве, чха дхамме паха̄йа бхаббо уттаримануссадхаммам̣ аламарийан̃а̄н̣адассанависесам̣ саччхика̄ту’’нти. татийам̣.