9. косаласуттам̣

49. екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. атха кхо ра̄джа̄ пасенади косало йена бхагава̄ тенупасан̇ками; упасан̇камитва̄ бхагавантам̣ абхива̄детва̄ екамантам̣ нисӣди.

(тена кхо пана самайена маллика̄ девӣ ка̄лан̇ката̄ хоти.) [( ) наттхи (сӣ.)] атха кхо ан̃н̃атаро пурисо йена ра̄джа̄ пасенади косало тенупасан̇ками; упасан̇камитва̄ ран̃н̃о пасенадисса косаласса упакан̣н̣аке а̄рочети – ‘‘маллика̄ девӣ, дева [дева девӣ (сйа̄. кам̣. пӣ.)], ка̄лан̇ката̄’’ти. евам̣ вутте ра̄джа̄ пасенади косало дуккхӣ думмано паттаккхандхо адхомукхо паджджха̄йанто аппат̣ибха̄но нисӣди.

атха кхо бхагава̄ ра̄джа̄нам̣ пасенадим̣ косалам̣ дуккхим̣ думманам̣ паттаккхандхам̣ адхомукхам̣ паджджха̄йантам̣ аппат̣ибха̄нам̣ видитва̄ ра̄джа̄нам̣ пасенадим̣ косалам̣ етадавоча – ‘‘пан̃чима̄ни, маха̄ра̄джа, алаббханӣйа̄ни т̣ха̄на̄ни саман̣ена ва̄ бра̄хман̣ена ва̄ девена ва̄ ма̄рена ва̄ брахмуна̄ ва̄ кеначи ва̄ локасмим̣. катама̄ни пан̃ча? ‘джара̄дхаммам̣ ма̄ джӣрӣ’ти алаббханӣйам̣ т̣ха̄нам̣…пе… на сочана̄йа паридевана̄йа…пе… каммам̣ дал̣хам̣ кинти кароми да̄нӣ’’ти. навамам̣.