10. дутийаага̄равасуттам̣

10. ‘‘пан̃чахи, бхиккхаве, дхаммехи саманна̄гато бхиккху ага̄раво аппатиссо абхаббо имасмим̣ дхаммавинайе вуддхим̣ вирӯл̣хим̣ вепуллам̣ а̄паджджитум̣. катамехи пан̃чахи? ассаддхо, бхиккхаве, бхиккху ага̄раво аппатиссо абхаббо имасмим̣ дхаммавинайе вуддхим̣ вирӯл̣хим̣ вепуллам̣ а̄паджджитум̣. ахирико, бхиккхаве, бхиккху ага̄раво аппатиссо абхаббо имасмим̣ дхаммавинайе вуддхим̣ вирӯл̣хим̣ вепуллам̣ а̄паджджитум̣. аноттаппӣ, бхиккхаве, бхиккху ага̄раво аппатиссо абхаббо имасмим̣ дхаммавинайе вуддхим̣ вирӯл̣хим̣ вепуллам̣ а̄паджджитум̣. кусӣто, бхиккхаве, бхиккху ага̄раво аппатиссо абхаббо имасмим̣ дхаммавинайе вуддхим̣ вирӯл̣хим̣ вепуллам̣ а̄паджджитум̣. дуппан̃н̃о, бхиккхаве, бхиккху ага̄раво аппатиссо абхаббо имасмим̣ дхаммавинайе вуддхим̣ вирӯл̣хим̣ вепуллам̣ а̄паджджитум̣. имехи кхо, бхиккхаве, пан̃чахи дхаммехи саманна̄гато бхиккху ага̄раво аппатиссо абхаббо имасмим̣ дхаммавинайе вуддхим̣ вирӯл̣хим̣ вепуллам̣ а̄паджджитум̣.

‘‘пан̃чахи, бхиккхаве, дхаммехи саманна̄гато бхиккху сага̄раво саппатиссо бхаббо имасмим̣ дхаммавинайе вуддхим̣ вирӯл̣хим̣ вепуллам̣ а̄паджджитум̣. катамехи пан̃чахи? саддхо, бхиккхаве, бхиккху сага̄раво саппатиссо бхаббо имасмим̣ дхаммавинайе вуддхим̣ вирӯл̣хим̣ вепуллам̣ а̄паджджитум̣. хирӣма̄, бхиккхаве, бхиккху…пе… оттаппӣ, бхиккхаве, бхиккху…пе… а̄раддхавӣрийо, бхиккхаве, бхиккху…пе… пан̃н̃ава̄, бхиккхаве, бхиккху сага̄раво саппатиссо бхаббо имасмим̣ дхаммавинайе вуддхим̣ вирӯл̣хим̣ вепуллам̣ а̄паджджитум̣. имехи кхо, бхиккхаве, пан̃чахи дхаммехи саманна̄гато бхиккху сага̄раво саппатиссо бхаббо имасмим̣ дхаммавинайе вуддхим̣ вирӯл̣хим̣ вепуллам̣ а̄паджджиту’’нти. дасамам̣.

секхабалавагго пат̣хамо.