6. аппама̄дасуттам̣

116. ‘‘чатӯхи, бхиккхаве, т̣ха̄нехи аппама̄до каран̣ӣйо. катамехи чатӯхи? ка̄йадуччаритам̣, бхиккхаве, паджахатха, ка̄йасучаритам̣ бха̄ветха; таттха ча ма̄ пама̄даттха. вачӣдуччаритам̣, бхиккхаве, паджахатха, вачӣсучаритам̣ бха̄ветха; таттха ча ма̄ пама̄даттха. манодуччаритам̣, бхиккхаве, паджахатха, маносучаритам̣ бха̄ветха; таттха ча ма̄ пама̄даттха. миччха̄дит̣т̣хим̣, бхиккхаве, паджахатха, самма̄дит̣т̣хим̣ бха̄ветха; таттха ча ма̄ пама̄даттха.

‘‘йато кхо, бхиккхаве, бхиккхуно ка̄йадуччаритам̣ пахӣнам̣ хоти ка̄йасучаритам̣ бха̄витам̣, вачӣдуччаритам̣ пахӣнам̣ хоти вачӣсучаритам̣ бха̄витам̣, манодуччаритам̣ пахӣнам̣ хоти маносучаритам̣ бха̄витам̣, миччха̄дит̣т̣хи пахӣна̄ хоти самма̄дит̣т̣хи бха̄вита̄, со на бха̄йати сампара̄йикасса маран̣асса̄’’ти. чхат̣т̣хам̣.