10. кхандхасуттам̣

90. ‘‘чатта̄роме, бхиккхаве, пуггала̄ санто сам̣виджджама̄на̄ локасмим̣. катаме чатта̄ро? саман̣амачало, саман̣апун̣д̣арӣко, саман̣ападумо, саман̣есу саман̣асукхума̄ло.

‘‘катхан̃ча, бхиккхаве, пуггало саман̣амачало хоти? идха, бхиккхаве, бхиккху секхо хоти аппаттама̄насо, ануттарам̣ йогаккхемам̣ паттхайама̄но вихарати. евам̣ кхо, бхиккхаве, пуггало саман̣амачало хоти.

‘‘катхан̃ча, бхиккхаве, пуггало саман̣апун̣д̣арӣко хоти? идха, бхиккхаве, бхиккху пан̃часу упа̄да̄наккхандхесу удайаббайа̄нупассӣ вихарати – ‘ити рӯпам̣, ити рӯпасса самудайо, ити рӯпасса аттхан̇гамо; ити ведана̄…пе… ити сан̃н̃а̄…пе… ити сан̇кха̄ра̄…пе… ити вин̃н̃а̄н̣ам̣, ити вин̃н̃а̄н̣асса самудайо, ити вин̃н̃а̄н̣асса аттхан̇гамо’ти; но ча кхо ат̣т̣ха вимоккхе ка̄йена пхуситва̄ вихарати. евам̣ кхо, бхиккхаве, пуггало саман̣апун̣д̣арӣко хоти.

‘‘катхан̃ча, бхиккхаве, пуггало саман̣ападумо хоти? идха, бхиккхаве, бхиккху пан̃часу упа̄да̄наккхандхесу удайаббайа̄нупассӣ вихарати – ‘ити рӯпам̣, ити рӯпасса самудайо, ити рӯпасса аттхан̇гамо; ити ведана̄…пе… ити сан̃н̃а̄…пе… ити сан̇кха̄ра̄…пе… ити вин̃н̃а̄н̣ам̣, ити вин̃н̃а̄н̣асса самудайо, ити вин̃н̃а̄н̣асса аттхан̇гамо’ти; ат̣т̣ха ча вимоккхе ка̄йена пхуситва̄ вихарати. евам̣ кхо, бхиккхаве, пуггало саман̣ападумо хоти.

‘‘катхан̃ча, бхиккхаве, пуггало саман̣есу саман̣асукхума̄ло хоти? идха, бхиккхаве, бхиккху йа̄читова бахулам̣ чӣварам̣ парибхун̃джати, аппам̣ айа̄чито…пе… мамева там̣, бхиккхаве, самма̄ вадама̄но вадеййа саман̣есу саман̣асукхума̄лоти. име кхо, бхиккхаве, чатта̄ро пуггала̄ санто сам̣виджджама̄на̄ локасми’’нти. дасамам̣.

мачалавагго чатуттхо.