10. маласуттам̣

10. ‘‘тӣхи, бхиккхаве, дхаммехи саманна̄гато тайо мале аппаха̄йа йатха̄бхатам̣ никкхитто евам̣ нирайе. катамехи тӣхи? дуссӣло ча хоти, дуссӣлйамалан̃часса аппахӣнам̣ хоти; иссукӣ ча хоти, исса̄малан̃часса аппахӣнам̣ хоти; маччхарӣ ча хоти, маччхерамалан̃часса аппахӣнам̣ хоти. имехи кхо, бхиккхаве, тӣхи дхаммехи саманна̄гато име тайо мале аппаха̄йа йатха̄бхатам̣ никкхитто евам̣ нирайе.

‘‘тӣхи, бхиккхаве, дхаммехи саманна̄гато тайо мале паха̄йа йатха̄бхатам̣ никкхитто евам̣ сагге. катамехи тӣхи? сӣлава̄ ча хоти, дуссӣлйамалан̃часса пахӣнам̣ хоти; аниссукӣ ча хоти, исса̄малан̃часса пахӣнам̣ хоти; амаччхарӣ ча хоти, маччхерамалан̃часса пахӣнам̣ хоти. имехи кхо, бхиккхаве, тӣхи дхаммехи саманна̄гато име тайо мале паха̄йа йатха̄бхатам̣ никкхитто евам̣ сагге’’ти. дасамам̣.

ба̄лавагго пат̣хамо.