5. каттхӣсуттам̣

85. екам̣ самайам̣ а̄йасма̄ маха̄чундо четӣсу вихарати сахаджа̄тийам̣. татра кхо а̄йасма̄ маха̄чундо бхиккхӯ а̄мантеси – ‘‘а̄вусо бхиккхаве’’ти. ‘‘а̄вусо’’ти кхо те бхиккхӯ а̄йасмато маха̄чундасса паччассосум̣. а̄йасма̄ маха̄чундо етадавоча –

‘‘идха̄вусо, бхиккху каттхӣ хоти викаттхӣ адхигамесу – ‘ахам̣ пат̣хамам̣ джха̄нам̣ сама̄паджджа̄мипи вут̣т̣хаха̄мипи, ахам̣ дутийам̣ джха̄нам̣ сама̄паджджа̄мипи вут̣т̣хаха̄мипи, ахам̣ татийам̣ джха̄нам̣ сама̄паджджа̄мипи вут̣т̣хаха̄мипи, ахам̣ чатуттхам̣ джха̄нам̣ сама̄паджджа̄мипи вут̣т̣хаха̄мипи, ахам̣ а̄ка̄са̄нан̃ча̄йатанам̣ сама̄паджджа̄мипи вут̣т̣хаха̄мипи, ахам̣ вин̃н̃а̄н̣ан̃ча̄йатанам̣ сама̄паджджа̄мипи вут̣т̣хаха̄мипи, ахам̣ а̄кин̃чан̃н̃а̄йатанам̣ сама̄паджджа̄мипи вут̣т̣хаха̄мипи, ахам̣ невасан̃н̃а̄на̄сан̃н̃а̄йатанам̣ сама̄паджджа̄мипи вут̣т̣хаха̄мипи, ахам̣ сан̃н̃а̄ведайитаниродхам̣ сама̄паджджа̄мипи вут̣т̣хаха̄мипӣ’ти.

‘‘таменам̣ татха̄гато ва̄ татха̄гатаса̄вако ва̄ джха̄йӣ сама̄паттикусало парачиттакусало парачиттапарийа̄йакусало самануйун̃джати саманугга̄хати саманубха̄сати. со татха̄гатена ва̄ татха̄гатаса̄вакена ва̄ джха̄йина̄ сама̄паттикусалена парачиттакусалена парачиттапарийа̄йакусалена самануйун̃джийама̄но саманугга̄хийама̄но саманубха̄сийама̄но ирӣн̣ам̣ а̄паджджати вичинам̣ а̄паджджати анайам̣ а̄паджджати бйасанам̣ а̄паджджати анайабйасанам̣ а̄паджджати.

‘‘таменам̣ татха̄гато ва̄ татха̄гатаса̄вако ва̄ джха̄йӣ сама̄паттикусало парачиттакусало парачиттапарийа̄йакусало евам̣ четаса̄ чето паричча манаси кароти – ‘ким̣ ну кхо айама̄йасма̄ каттхӣ хоти викаттхӣ адхигамесу – ахам̣ пат̣хамам̣ джха̄нам̣ сама̄паджджа̄мипи вут̣т̣хаха̄мипи…пе… ахам̣ сан̃н̃а̄ведайитаниродхам̣ сама̄паджджа̄мипи вут̣т̣хаха̄мипӣ’ти.

‘‘таменам̣ татха̄гато ва̄ татха̄гатаса̄вако ва̄ джха̄йӣ сама̄паттикусало парачиттакусало парачиттапарийа̄йакусало евам̣ четаса̄ чето паричча паджа̄на̄ти –

‘дӣгхараттам̣ кхо айама̄йасма̄ кхан̣д̣ака̄рӣ чхиддака̄рӣ сабалака̄рӣ камма̄сака̄рӣ на сантатака̄рӣ на сантатавутти сӣлесу. дуссӣло кхо айама̄йасма̄. дуссилйам̣ кхо пана татха̄гатаппаведите дхаммавинайе париха̄наметам̣.

‘ассаддхо кхо пана айама̄йасма̄; ассаддхийам̣ кхо пана татха̄гатаппаведите дхаммавинайе париха̄наметам̣.

‘аппассуто кхо пана айама̄йасма̄ ана̄ча̄ро; аппасаччам̣ кхо пана татха̄гатаппаведите дхаммавинайе париха̄наметам̣.

‘дуббачо кхо пана айама̄йасма̄; довачассата̄ кхо пана татха̄гатаппаведите дхаммавинайе париха̄наметам̣.

‘па̄памитто кхо пана айама̄йасма̄; па̄памиттата̄ кхо пана татха̄гатаппаведите дхаммавинайе париха̄наметам̣.

‘кусӣто кхо пана айама̄йасма̄; косаджджам̣ кхо пана татха̄гатаппаведите дхаммавинайе париха̄наметам̣.

‘мут̣т̣хассати кхо пана айама̄йасма̄; мут̣т̣хассаччам̣ кхо пана татха̄гатаппаведите дхаммавинайе париха̄наметам̣.

‘кухако кхо пана айама̄йасма̄; кохан̃н̃ам̣ кхо пана татха̄гатаппаведите дхаммавинайе париха̄наметам̣.

‘дуббхаро кхо пана айама̄йасма̄; дуббхарата̄ кхо пана татха̄гатаппаведите дхаммавинайе париха̄наметам̣.

‘дуппан̃н̃о кхо пана айама̄йасма̄; дуппан̃н̃ата̄ кхо пана татха̄гатаппаведите дхаммавинайе париха̄наметам̣’.

‘‘сеййатха̄пи, а̄вусо, саха̄йако саха̄йакам̣ евам̣ вадеййа – ‘йада̄ те, самма, дханена [бандхо (ка.)] дханакаран̣ӣйам̣ асса, йа̄чеййа̄си мам̣ [йа̄чиссаси мам̣ (сӣ.), паведеййа̄си мам̣ (сйа̄.), пара̄джеййа̄пи мам̣ (ка.)] дханам̣. дасса̄ми те дхана’нти. со кин̃чидева дханакаран̣ӣйе самуппанне саха̄йако саха̄йакам̣ евам̣ вадеййа – ‘аттхо ме, самма, дханена. дехи ме дхана’нти. со евам̣ вадеййа – ‘тена хи, самма, идха кхана̄хӣ’ти. со татра кхананто на̄дхигаччхеййа. со евам̣ вадеййа – ‘аликам̣ мам̣, самма, авача; туччхакам̣ мам̣, самма, авача – идха кхана̄хӣ’ти. со евам̣ вадеййа – ‘на̄хам̣ там̣, самма, аликам̣ авачам̣, туччхакам̣ авачам̣. тена хи, самма, идха кхана̄хӣ’ти. со татрапи кхананто на̄дхигаччхеййа. со евам̣ вадеййа – ‘аликам̣ мам̣, самма, авача, туччхакам̣ мам̣, самма, авача – идха кхана̄хӣ’ти. со евам̣ вадеййа – ‘на̄хам̣ там̣, самма, аликам̣ авачам̣, туччхакам̣ авачам̣. тена хи, самма, идха кхана̄хӣ’ти. со татрапи кхананто на̄дхигаччхеййа. со евам̣ вадеййа – ‘аликам̣ мам̣, самма, авача, туччхакам̣ мам̣, самма, авача – идха кхана̄хӣ’ти. со евам̣ вадеййа – ‘на̄хам̣ там̣, самма, аликам̣ авачам̣, туччхакам̣ авачам̣. апи ча ахамева умма̄дам̣ па̄пун̣им̣ четасо випарийа̄йа’нти.

‘‘евамевам̣ кхо, а̄вусо, бхиккху каттхӣ хоти викаттхӣ адхигамесу – ‘ахам̣ пат̣хамам̣ джха̄нам̣ сама̄паджджа̄мипи вут̣т̣хаха̄мипи, ахам̣ дутийам̣ джха̄нам̣ сама̄паджджа̄мипи вут̣т̣хаха̄мипи, ахам̣ татийам̣ джха̄нам̣ сама̄паджджа̄мипи вут̣т̣хаха̄мипи, ахам̣ чатуттхам̣ джха̄нам̣ сама̄паджджа̄мипи вут̣т̣хаха̄мипи, ахам̣ а̄ка̄са̄нан̃ча̄йатанам̣ сама̄паджджа̄мипи вут̣т̣хаха̄мипи, ахам̣ вин̃н̃а̄н̣ан̃ча̄йатанам̣ сама̄паджджа̄мипи вут̣т̣хаха̄мипи, ахам̣ а̄кин̃чан̃н̃а̄йатанам̣ сама̄паджджа̄мипи вут̣т̣хаха̄мипи, ахам̣ невасан̃н̃а̄на̄сан̃н̃а̄йатанам̣ сама̄паджджа̄мипи вут̣т̣хаха̄мипи, ахам̣ сан̃н̃а̄ведайитаниродхам̣ сама̄паджджа̄мипи вут̣т̣хаха̄мипӣ’ти.

‘‘таменам̣ татха̄гато ва̄ татха̄гатаса̄вако ва̄ джха̄йӣ сама̄паттикусало парачиттакусало парачиттапарийа̄йакусало евам̣ четаса̄ чето паричча манаси кароти – ‘ким̣ ну кхо айама̄йасма̄ каттхӣ хоти викаттхӣ адхигамесу – ахам̣ пат̣хамам̣ джха̄нам̣ сама̄паджджа̄мипи…пе… ахам̣ сан̃н̃а̄ведайитаниродхам̣ сама̄паджджа̄мипи вут̣т̣хаха̄мипӣ’ти.

‘‘таменам̣ татха̄гато ва̄ татха̄гатаса̄вако ва̄ джха̄йӣ сама̄паттикусало парачиттапарийа̄йакусало четаса̄ чето паричча паджа̄на̄ти –

‘дӣгхараттам̣ кхо айама̄йасма̄ кхан̣д̣ака̄рӣ чхиддака̄рӣ сабалака̄рӣ камма̄сака̄рӣ, на сантатака̄рӣ на сантатавутти сӣлесу. дуссӣло кхо айама̄йасма̄; дуссилйам̣ кхо пана татха̄гатаппаведите дхаммавинайе париха̄наметам̣.

‘ассаддхо кхо пана айама̄йасма̄; ассаддхийам̣ кхо пана татха̄гатаппаведите дхаммавинайе париха̄наметам̣.

‘дуббачо кхо пана айама̄йасма̄; довачассата̄ кхо пана татха̄гатаппаведите дхаммавинайе париха̄наметам̣.

‘кусӣто кхо пана айама̄йасма̄; косаджджам̣ кхо пана татха̄гатаппаведите дхаммавинайе париха̄наметам̣.

‘кухако кхо пана айама̄йасма̄; кохан̃н̃ам̣ кхо пана татха̄гатаппаведите дхаммавинайе париха̄наметам̣.

‘дуббхаро кхо пана айама̄йасма̄; дуббхарата̄ кхо пана татха̄гатаппаведите дхаммавинайе париха̄наметам̣.

‘‘со вата̄вусо, бхиккху ‘име даса дхамме аппаха̄йа имасмим̣ дхаммавинайе вуддхим̣ вирӯл̣хим̣ вепуллам̣ а̄паджджиссатӣ’ти нетам̣ т̣ха̄нам̣ виджджати. со вата̄вусо, бхиккху ‘име даса дхамме паха̄йа имасмим̣ дхаммавинайе вуддхим̣ вирӯл̣хим̣ вепуллам̣ а̄паджджиссатӣ’ти т̣ха̄наметам̣ виджджатӣ’’ти. пан̃чамам̣.