𑁧. 𑀧𑀞𑀫𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁯𑁩𑁪-𑁫. 𑀏𑀓𑀸𑀬 𑀦𑀺𑀧𑀦𑁆𑀦𑀸𑀬 𑀅𑀧𑀭𑀸 𑀦𑀺𑀧𑀚𑁆𑀚𑀢𑀺, 𑀆𑀧𑀢𑁆𑀢𑀺 𑀧𑀸𑀘𑀺𑀢𑁆𑀢𑀺𑀬𑀲𑁆𑀲𑀸𑀢𑀺 ‘‘𑀉𑀪𑀺𑀦𑁆𑀦𑀫𑁆𑀧𑀺 𑀧𑀞𑀫𑀦𑀺𑀧𑀦𑁆𑀦𑀸𑀬 𑀅𑀦𑀼𑀝𑁆𑀞𑀸𑀧𑀦𑀸’’𑀢𑀺 𑀯𑀢𑁆𑀯𑀸 𑀏𑀢𑁆𑀣 𑀓𑀺𑀭𑀺𑀬𑀸𑀓𑀺𑀭𑀺𑀬𑀦𑁆𑀢𑀺 𑀏𑀓𑁂, 𑀢𑀁 𑀅𑀝𑁆𑀞𑀓𑀣𑀸𑀬 𑀯𑀺𑀭𑀼𑀚𑁆𑀛𑀢𑀺. ‘‘𑀓𑀺𑀭𑀺𑀬’’𑀦𑁆𑀢𑀺 𑀳𑀺 𑀅𑀝𑁆𑀞𑀓𑀣𑀸𑀬𑀁 𑀯𑀼𑀢𑁆𑀢𑀁. 𑀅𑀣 𑀓𑀲𑁆𑀲𑀸 𑀆𑀧𑀢𑁆𑀢𑀻𑀢𑀺? 𑀉𑀪𑀺𑀦𑁆𑀦𑀫𑁆𑀧𑀺 𑀦𑀺𑀧𑀚𑁆𑀚𑀦𑀓𑀺𑀭𑀺𑀬𑀁 𑀧𑀝𑀺𑀘𑁆𑀘. 𑀇𑀫𑀲𑁆𑀲 𑀅𑀦𑀸𑀧𑀢𑁆𑀢𑀺𑀯𑀸𑀭𑁂 ‘‘𑀯𑀯𑀢𑁆𑀣𑀸𑀦𑀁 𑀤𑀲𑁆𑀲𑁂𑀢𑁆𑀯𑀸’’𑀢𑀺 𑀦𑀢𑁆𑀣𑀺, 𑀢𑀲𑁆𑀫𑀸 𑀯𑀯𑀢𑁆𑀣𑀸𑀦𑀁 𑀓𑀢𑁆𑀯𑀸 𑀦𑀺𑀧𑀚𑁆𑀚𑀺𑀢𑀼𑀁 𑀦 𑀯𑀝𑁆𑀝𑀢𑀻𑀢𑀺 𑀏𑀓𑁂. 𑀯𑀺𑀧𑀼𑀮𑀢𑀭𑁂 𑀯𑀝𑁆𑀝𑀢𑀻𑀢𑀺 𑀏𑀓𑁂. ‘‘𑀅𑀦𑁆𑀢𑀭𑀁 𑀓𑀢𑁆𑀯𑀸 𑀦𑀺𑀧𑀚𑁆𑀚𑀺𑀢𑀼𑀁 𑀯𑀝𑁆𑀝𑀢𑀻’’𑀢𑀺 𑀧𑁄𑀭𑀸𑀡𑀕𑀡𑁆𑀞𑀺𑀧𑀤𑁂 𑀮𑀺𑀔𑀺𑀢𑀁.

𑀧𑀞𑀫𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.