𑁧𑁧. 𑀤𑀼𑀩𑁆𑀩𑀮𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁪𑁮𑁪-𑁫. 𑀅𑀤𑀸𑀲𑀻𑀢𑀺 𑀅𑀧𑀮𑁄𑀓𑁂𑀢𑁆𑀯𑀸 𑀅𑀤𑀸𑀲𑀺. 𑀪𑀺𑀓𑁆𑀔𑀽𑀢𑀺 𑀏𑀢𑁆𑀣 𑀢𑁂 𑀙𑀩𑁆𑀩𑀕𑁆𑀕𑀺𑀬𑀸 𑀅𑀢𑁆𑀢𑀸𑀦𑀁 𑀧𑀭𑀺𑀯𑀚𑁆𑀚𑀬𑀺𑀢𑁆𑀯𑀸 ‘‘𑀲𑀗𑁆𑀖𑁄’’𑀢𑀺 𑀅𑀯𑀢𑁆𑀯𑀸 ‘‘𑀪𑀺𑀓𑁆𑀔𑀽’’𑀢𑀺 𑀆𑀳𑀁𑀲𑀼. 𑀧𑀭𑀺𑀡𑀸𑀫𑁂𑀦𑁆𑀢𑀻𑀢𑀺 𑀦𑁂𑀦𑁆𑀢𑀺. 𑀢𑀢𑁆𑀣 𑀮𑀸𑀪𑁄𑀢𑀺 𑀧𑀤𑀼𑀤𑁆𑀥𑀸𑀭𑀓𑀭𑀡𑀁 𑀇𑀥 𑀅𑀦𑀥𑀺𑀧𑁆𑀧𑁂𑀢𑀲𑁆𑀲𑀧𑀺 𑀬𑀲𑁆𑀲 𑀓𑀲𑁆𑀲𑀘𑀺 𑀅𑀢𑁆𑀣𑀼𑀤𑁆𑀥𑀸𑀭𑀯𑀲𑁂𑀦 𑀮𑀸𑀪𑀤𑀻𑀧𑀦𑀢𑁆𑀣𑀁. 𑀘𑀻𑀯𑀭𑀫𑁂𑀯 𑀳𑀺 𑀇𑀥𑀸𑀥𑀺𑀧𑁆𑀧𑁂𑀢𑀁, 𑀢𑁂𑀦𑁂𑀯 ‘‘𑀅𑀜𑁆𑀜𑀁 𑀧𑀭𑀺𑀓𑁆𑀔𑀸𑀭𑀁 𑀤𑀺𑀦𑁆𑀦𑀁 𑀔𑀻𑀬𑀢𑀺, 𑀆𑀧𑀢𑁆𑀢𑀺 𑀤𑀼𑀓𑁆𑀓𑀝𑀲𑁆𑀲𑀸’’𑀢𑀺 𑀯𑀼𑀢𑁆𑀢𑀁. 𑀤𑀺𑀦𑁆𑀦𑀦𑁆𑀢𑀺 𑀘 𑀧𑀭𑀺𑀓𑁆𑀔𑀸𑀭𑀦𑁆𑀢𑀺 𑀘 𑀪𑀼𑀫𑁆𑀫𑀢𑁆𑀣𑁂 𑀉𑀧𑀬𑁄𑀕𑀯𑀘𑀦𑀁.

𑀤𑀼𑀩𑁆𑀩𑀮𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.