𑁧𑁦. 𑀉𑀬𑁆𑀬𑁄𑀥𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁩𑁨𑁪. 𑀤𑀲𑀫𑁂 𑀏𑀓𑀫𑁂𑀓𑀁 𑀤𑀲𑁆𑀲𑀦𑀸𑀬 𑀕𑀘𑁆𑀙𑀢𑀺, 𑀆𑀧𑀢𑁆𑀢𑀺 𑀤𑀼𑀓𑁆𑀓𑀝𑀲𑁆𑀲. 𑀬𑀢𑁆𑀣 𑀞𑀺𑀢𑁄 𑀧𑀲𑁆𑀲𑀢𑀺, 𑀆𑀧𑀢𑁆𑀢𑀺 𑀧𑀸𑀘𑀺𑀢𑁆𑀢𑀺𑀬𑀲𑁆𑀲𑀸𑀢𑀺𑀆𑀤𑀺. 𑀅𑀝𑁆𑀞𑀫𑁂 𑀧𑀦 𑀏𑀓𑀫𑁂𑀓𑀁 𑀤𑀲𑁆𑀲𑀦𑀸𑀬 𑀕𑀘𑁆𑀙𑀢𑀺, 𑀆𑀧𑀢𑁆𑀢𑀺 𑀤𑀼𑀓𑁆𑀓𑀝𑀲𑁆𑀲. 𑀬𑀢𑁆𑀣 𑀞𑀺𑀢𑁄 𑀧𑀲𑁆𑀲𑀢𑀺, 𑀆𑀧𑀢𑁆𑀢𑀺 𑀤𑀼𑀓𑁆𑀓𑀝𑀲𑁆𑀲𑀸𑀢𑀺 𑀧𑀸𑀴𑀺. 𑀓𑀲𑁆𑀫𑀸? 𑀅𑀗𑁆𑀕𑀧𑁆𑀧𑀫𑀸𑀡𑀸𑀪𑁂𑀤𑁂𑀧𑀺 𑀅𑀦𑀻𑀓𑀯𑀺𑀲𑁂𑀲𑀢𑁄. 𑀤𑀲𑀫𑁂 𑀧𑀦 𑀅𑀝𑁆𑀞𑀫𑀗𑁆𑀕𑀲𑁆𑀲 𑀤𑀲𑁆𑀲𑀦𑁂𑀦 𑀤𑀼𑀓𑁆𑀓𑀝𑀁 𑀲𑀺𑀬𑀸𑀢𑀺.

𑀉𑀬𑁆𑀬𑁄𑀥𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀲𑀫𑀢𑁆𑀢𑁄 𑀯𑀡𑁆𑀡𑀦𑀸𑀓𑁆𑀓𑀫𑁂𑀦 𑀅𑀘𑁂𑀮𑀓𑀯𑀕𑁆𑀕𑁄 𑀧𑀜𑁆𑀘𑀫𑁄.