𑁬. 𑀤𑀼𑀢𑀺𑀬𑀲𑀳𑀲𑁂𑀬𑁆𑀬𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁫𑁫. ‘‘𑀅𑀣 𑀔𑁄 𑀢𑁂 𑀫𑀦𑀼𑀲𑁆𑀲𑀸’’𑀢𑀺 𑀘 ‘‘𑀢𑁂 𑀅𑀤𑁆𑀥𑀺𑀓𑀸’’𑀢𑀺 𑀘 𑀧𑀸𑀞𑁄. ‘‘𑀏𑀓𑀭𑀢𑁆𑀢’’𑀦𑁆𑀢𑀺𑀧𑀺 𑀅𑀢𑁆𑀣𑀺, 𑀲𑁄 𑀦 𑀲𑀼𑀦𑁆𑀤𑀭𑁄. 𑀧𑀡𑁆𑀟𑀓𑁂 𑀧𑀸𑀴𑀺𑀬𑀁 𑀤𑀼𑀓𑁆𑀓𑀝𑀲𑁆𑀲 𑀯𑀼𑀢𑁆𑀢𑀢𑁆𑀢𑀸 ‘‘𑀉𑀪𑀢𑁄𑀩𑁆𑀬𑀜𑁆𑀚𑀦𑁂𑀳𑀺 𑀫𑀽𑀮𑀸𑀧𑀢𑁆𑀢𑀻𑀢𑀺 𑀤𑀺𑀲𑁆𑀲𑀢𑀻’’𑀢𑀺, ‘‘𑀅𑀦𑀺𑀫𑀺𑀢𑁆𑀢𑀸𑀤𑀬𑁄 𑀇𑀢𑁆𑀣𑀺𑀬𑁄𑀯𑀸’’𑀢𑀺 𑀘 𑀯𑀤𑀦𑁆𑀢𑀺 𑀉𑀪𑀢𑁄𑀩𑁆𑀬𑀜𑁆𑀚𑀦𑀓𑁂 𑀯𑀼𑀢𑁆𑀢𑀁 𑀯𑀺𑀬. 𑀓𑀺𑀜𑁆𑀘𑀸𑀧𑀺 𑀫𑀢𑀺𑀢𑁆𑀣𑀻 𑀧𑀸𑀭𑀸𑀚𑀺𑀓𑀯𑀢𑁆𑀣𑀼 𑀳𑁄𑀢𑀺, 𑀅𑀦𑀼𑀧𑀸𑀤𑀺𑀦𑁆𑀦𑀧𑀓𑁆𑀔𑁂 𑀞𑀺𑀢𑀢𑁆𑀢𑀸 𑀧𑀦 𑀇𑀥 𑀆𑀧𑀢𑁆𑀢𑀺𑀁 𑀦 𑀓𑀭𑁄𑀢𑀺. 𑀧𑀸𑀭𑀸𑀚𑀺𑀓𑀸𑀧𑀢𑁆𑀢𑀺𑀝𑁆𑀞𑀸𑀦𑀜𑁆𑀘𑁂𑀢𑁆𑀣 𑀦 𑀑𑀮𑁄𑀓𑁂𑀢𑀩𑁆𑀩𑀁.

𑀤𑀼𑀢𑀺𑀬𑀲𑀳𑀲𑁂𑀬𑁆𑀬𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.