𑁯. 𑀯𑀲𑁆𑀲𑀺𑀓𑀲𑀸𑀝𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁫𑁪𑁨. 𑀯𑀲𑁆𑀲𑀺𑀓𑀲𑀸𑀝𑀺𑀓𑀸𑀧𑀺 𑀉𑀓𑁆𑀓𑀝𑁆𑀞𑀧𑀝𑀺𑀘𑁆𑀙𑁂𑀤𑀯𑀲𑁂𑀦 𑀅𑀦𑀼𑀜𑁆𑀜𑀸𑀢𑀸. 𑀯𑀲𑁆𑀲𑀓𑀸𑀮𑁂 𑀓𑁂𑀘𑀺 𑀲𑀗𑁆𑀖𑀸𑀝𑀺𑀧𑀭𑀺𑀪𑁄𑀕𑁂𑀦𑁂𑀯 𑀧𑀭𑀺𑀪𑀼𑀜𑁆𑀚𑀺𑀲𑁆𑀲𑀦𑁆𑀢𑀻𑀢𑀺 𑀅𑀬𑀁 𑀪𑀕𑀯𑀢𑁄 𑀅𑀥𑀺𑀧𑁆𑀧𑀸𑀬𑁄 𑀲𑀺𑀬𑀸. 𑀓𑀺𑀜𑁆𑀘𑀸𑀧𑀺 𑀇𑀫𑀺𑀦𑀸 𑀢𑀓𑁆𑀓𑁂𑀦 𑀅𑀦𑀼𑀜𑁆𑀜𑀸𑀢𑀸, ‘‘𑀅𑀧𑁆𑀧𑀫𑀸𑀡𑀺𑀓𑀸𑀬𑁄 𑀓𑀡𑁆𑀟𑀼𑀧𑀝𑀺𑀘𑁆𑀙𑀸𑀤𑀺𑀬𑁄 𑀥𑀸𑀭𑁂𑀦𑁆𑀢𑀺, 𑀯𑀲𑁆𑀲𑀺𑀓𑀲𑀸𑀝𑀺𑀓𑀸𑀬𑁄 𑀥𑀸𑀭𑁂𑀦𑁆𑀢𑀻’’𑀢𑀺 𑀇𑀫𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀧𑀜𑁆𑀜𑀢𑁆𑀢𑀢𑁆𑀢𑀸 𑀧𑀦 𑀅𑀜𑁆𑀜𑀣𑀸 𑀧𑀼𑀡𑁆𑀡𑀧𑀭𑀺𑀘𑁆𑀙𑁂𑀤𑀢𑁄 𑀅𑀥𑀺𑀓𑀧𑁆𑀧𑀫𑀸𑀡𑀸𑀬𑁄 𑀢𑁂 𑀪𑀺𑀓𑁆𑀔𑀽 𑀥𑀸𑀭𑁂𑀲𑀼𑀦𑁆𑀢𑀺 𑀓𑀢𑁆𑀯𑀸 𑀏𑀢𑀧𑀭𑀫𑀢𑀸 𑀢𑀸𑀲𑀁 𑀅𑀦𑀼𑀜𑁆𑀜𑀸𑀢𑀸𑀢𑀺 𑀯𑁂𑀤𑀺𑀢𑀩𑁆𑀩𑀸. 𑀏𑀲𑁂𑀯 𑀦𑀬𑁄 𑀤𑀲𑀫𑁂𑀧𑀺.

𑀯𑀲𑁆𑀲𑀺𑀓𑀲𑀸𑀝𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.