𑁭. 𑀦𑀺𑀲𑀻𑀤𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁫𑁩𑁧. 𑀓𑀺𑀜𑁆𑀘𑀸𑀧𑀺 𑀦𑀺𑀲𑀻𑀤𑀦𑀲𑁆𑀲 𑀚𑀸𑀢𑀺 𑀦 𑀤𑀺𑀲𑁆𑀲𑀢𑀺 𑀏𑀢𑁆𑀣, 𑀢𑀣𑀸𑀧𑀺 𑀘𑀻𑀯𑀭𑀓𑁆𑀔𑀦𑁆𑀥𑀓𑁂 𑀅𑀦𑀼𑀜𑁆𑀜𑀸𑀢𑀢𑁆𑀢𑀸, ‘‘𑀦𑀯 𑀘𑀻𑀯𑀭𑀸𑀦𑀺 𑀅𑀥𑀺𑀝𑁆𑀞𑀸𑀢𑀩𑁆𑀩𑀸𑀦𑀻’’𑀢𑀺 𑀏𑀢𑁆𑀣 𑀘 𑀧𑀭𑀺𑀬𑀸𑀧𑀦𑁆𑀦𑀢𑁆𑀢𑀸 𑀘𑀻𑀯𑀭𑀚𑀸𑀢𑀺𑀬𑁂𑀯𑀲𑁆𑀲 𑀚𑀸𑀢𑀻𑀢𑀺 𑀯𑁂𑀤𑀺𑀢𑀩𑁆𑀩𑀸. ‘‘𑀲𑀦𑁆𑀣𑀢𑀲𑀤𑀺𑀲𑀁 𑀲𑀦𑁆𑀣𑀭𑀺𑀢𑁆𑀯𑀸𑀢𑀺 𑀲𑀤𑀲’’𑀦𑁆𑀢𑀺 𑀧𑀼𑀩𑁆𑀩𑁂 𑀯𑀼𑀢𑁆𑀢𑀦𑀺𑀲𑀻𑀤𑀦𑀲𑀦𑁆𑀣𑀢𑀢𑁆𑀢𑀸 𑀉𑀧𑀫𑁂𑀢𑀺. 𑀮𑀸𑀪𑁂 𑀲𑀤𑀲𑀁, 𑀅𑀮𑀸𑀪𑁂 𑀅𑀤𑀲𑀫𑁆𑀧𑀺 𑀯𑀝𑁆𑀝𑀢𑀻𑀢𑀺 𑀏𑀓𑁂, 𑀢𑀁 𑀦 𑀬𑀼𑀢𑁆𑀢𑀁. ‘‘𑀦𑀺𑀲𑀻𑀤𑀦𑀁 𑀦𑀸𑀫 𑀲𑀤𑀲𑀁 𑀯𑀼𑀘𑁆𑀘𑀢𑀻’’𑀢𑀺 𑀢𑀲𑁆𑀲 𑀲𑀡𑁆𑀞𑀸𑀦𑀦𑀺𑀬𑀫𑀦𑀢𑁄.

𑀦𑀺𑀲𑀻𑀤𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.