𑁨. 𑀭𑀢𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁫𑁦𑁪. ‘‘𑀅𑀥𑀺𑀯𑀸𑀲𑁂𑀦𑁆𑀢𑀼 𑀕𑀳𑀧𑀢𑀺𑀦𑁄 𑀪𑀢𑁆𑀢’’𑀦𑁆𑀢𑀺 𑀘 ‘‘𑀫𑁂 𑀕𑀳𑀧𑀢𑀺𑀦𑁄’’𑀢𑀺 𑀘 𑀅𑀢𑁆𑀣𑀺.

𑁫𑁦𑁬. 𑀓𑀼𑀭𑀼𑀦𑁆𑀤𑀺𑀯𑀘𑀦𑁂𑀦 𑀖𑀭𑁂𑀧𑀺 𑀬𑀤𑀺 𑀪𑀺𑀓𑁆𑀔𑀽 𑀆𑀲𑀗𑁆𑀓𑀦𑁆𑀢𑀺, 𑀢𑀢𑁆𑀣 𑀞𑀢𑁆𑀯𑀸 𑀆𑀘𑀺𑀓𑁆𑀔𑀺𑀢𑀩𑁆𑀩𑀦𑁆𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀧𑀢𑀺𑀭𑀽𑀧𑀸𑀢𑀺 ‘‘𑀭𑀢𑀦𑀲𑀫𑁆𑀫𑀢𑁂 𑀧𑀁𑀲𑀼𑀓𑀽𑀮𑀕𑁆𑀕𑀳𑀡𑀁 𑀯𑀸 𑀭𑀢𑀦𑁂 𑀦𑀺𑀭𑀼𑀲𑁆𑀲𑀼𑀓𑁆𑀓𑀕𑀫𑀦𑀁 𑀯𑀸’’𑀢𑀺 𑀮𑀺𑀔𑀺𑀢𑀁. ‘‘𑀢𑀸𑀯𑀓𑀸𑀮𑀺𑀓𑀯𑀲𑁂𑀦𑀧𑀺 𑀅𑀦𑀸𑀫𑀸𑀲𑀁 𑀧𑀝𑀺𑀕𑁆𑀕𑀡𑁆𑀳𑀺𑀢𑀼𑀁 𑀦 𑀮𑀪𑀢𑀻’’𑀢𑀺 𑀯𑀤𑀦𑁆𑀢𑀺. 𑀲𑀫𑀸𑀤𑀧𑁂𑀢𑁆𑀯𑀸𑀢𑀺 𑀬𑀸𑀘𑀺𑀢𑁆𑀯𑀸 ‘‘𑀉𑀤𑁆𑀤𑀺𑀲𑁆𑀲 𑀅𑀭𑀺𑀬𑀸 𑀢𑀺𑀝𑁆𑀞𑀦𑁆𑀢𑀺, 𑀏𑀲𑀸 𑀅𑀭𑀺𑀬𑀸𑀦 𑀬𑀸𑀘𑀦𑀸’’𑀢𑀺 (𑀚𑀸. 𑁧.𑁭.𑁫𑁯) 𑀯𑀼𑀢𑁆𑀢𑀦𑀬𑁂𑀦.

𑀭𑀢𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.