𑁬. 𑀲𑀕𑀸𑀣𑀸𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁦. ‘‘𑀥𑀸𑀢𑀼𑀲𑁄 𑀲𑀁𑀲𑀦𑁆𑀤𑀦𑁆𑀢𑀻’’𑀢𑀺 𑀇𑀤𑀁 𑀅𑀚𑁆𑀛𑀸𑀲𑀬𑀢𑁄 𑀲𑀭𑀺𑀓𑁆𑀔𑀢𑀸𑀤𑀲𑁆𑀲𑀦𑀁, 𑀦 𑀓𑀸𑀬𑁂𑀦 𑀫𑀺𑀲𑁆𑀲𑀻𑀪𑀸𑀯𑀤𑀲𑁆𑀲𑀦𑀦𑁆𑀢𑀺 𑀆𑀳 ‘‘𑀲𑀫𑀼𑀤𑁆𑀤𑀦𑁆𑀢𑀭𑁂’’𑀢𑀺𑀆𑀤𑀺. 𑀦𑀺𑀭𑀦𑁆𑀢𑀭𑁄𑀢𑀺 𑀦𑀺𑀩𑁆𑀩𑀺𑀲𑁂𑀲𑁄. 𑀲𑀁𑀲𑀕𑁆𑀕𑀸𑀢𑀺 𑀧𑀜𑁆𑀘𑀯𑀺𑀥𑀲𑀁𑀲𑀕𑁆𑀕𑀳𑁂𑀢𑀼. 𑀲𑀁𑀲𑀕𑁆𑀕𑀕𑀳𑀡𑁂𑀦 𑀘𑁂𑀢𑁆𑀣 𑀲𑀁𑀲𑀕𑁆𑀕𑀯𑀢𑁆𑀣𑀼𑀓𑀸 𑀢𑀡𑁆𑀳𑀸 𑀕𑀳𑀺𑀢𑀸. 𑀢𑁂𑀦𑀸𑀳 ‘‘𑀤𑀲𑁆𑀲𑀦…𑀧𑁂… 𑀲𑁆𑀦𑁂𑀳𑁂𑀦𑀸’’𑀢𑀺.

𑀯𑀦𑀢𑀺 𑀪𑀚𑀢𑀺 𑀲𑀚𑁆𑀚𑀢𑀺 𑀢𑁂𑀦𑀸𑀢𑀺 𑀯𑀦𑀁, 𑀯𑀦𑀣𑁄𑀢𑀺 𑀘 𑀓𑀺𑀮𑁂𑀲𑁄 𑀯𑀼𑀘𑁆𑀘𑀢𑀻𑀢𑀺 𑀆𑀳 ‘‘𑀯𑀦𑀣𑁄 𑀚𑀸𑀢𑁄𑀢𑀺 𑀓𑀺𑀮𑁂𑀲𑀯𑀦𑀁 𑀚𑀸𑀢’’𑀦𑁆𑀢𑀺. 𑀇𑀢𑀭𑁂 𑀲𑀁𑀲𑀕𑁆𑀕𑀫𑀽𑀮𑀓𑀸𑀢𑀺 𑀢𑀫𑁂𑀯 𑀧𑀝𑀺𑀓𑁆𑀔𑀺𑀧𑀦𑁆𑀢𑁄 𑀆𑀳 ‘‘𑀅𑀤𑀲𑁆𑀲𑀦𑁂𑀦𑀸’’𑀢𑀺. 𑀲𑀸𑀥𑀼𑀚𑀻𑀯𑀻𑀢𑀺 𑀲𑀸𑀥𑀼 𑀲𑀼𑀝𑁆𑀞𑀼 𑀚𑀻𑀯𑀻, 𑀢𑀁𑀚𑀻𑀯𑀦𑀲𑀻𑀮𑁄. 𑀢𑁂𑀦𑀸𑀳 ‘‘𑀧𑀭𑀺𑀲𑀼𑀤𑁆𑀥𑀚𑀻𑀯𑀺𑀢𑀁 𑀚𑀻𑀯𑀫𑀸𑀦𑁄’’𑀢𑀺.

𑀲𑀕𑀸𑀣𑀸𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.