𑁭. 𑀅𑀲𑁆𑀲𑀤𑁆𑀥𑀲𑀁𑀲𑀦𑁆𑀤𑀦𑀲𑀼𑀢𑁆𑀢𑀯𑀡𑁆𑀡𑀦𑀸

𑁧𑁦𑁧. 𑀦𑀺𑀭𑁄𑀚𑀸𑀢𑀺 𑀲𑀤𑁆𑀥𑀸𑀲𑁆𑀦𑁂𑀳𑀸𑀪𑀸𑀯𑁂𑀦 𑀦𑀺𑀲𑁆𑀦𑁂𑀳𑀸. 𑀢𑀢𑁄 𑀏𑀯 𑀅𑀭𑀲𑀪𑀸𑀯𑁂𑀦 𑀦𑀺𑀭𑀲𑀸. 𑀏𑀓𑀲𑀤𑀺𑀲𑀸𑀢𑀺 𑀲𑀫𑀲𑀫𑀸 𑀦𑀺𑀩𑁆𑀩𑀺𑀲𑁂𑀲𑀸. 𑀢𑁂𑀦𑀸𑀳 ‘‘𑀦𑀺𑀭𑀦𑁆𑀢𑀭𑀸’’𑀢𑀺. 𑀅𑀮𑀚𑁆𑀚𑀺𑀢𑀸𑀬 𑀏𑀓𑀲𑀻𑀫𑀓𑀢𑀸 𑀪𑀺𑀦𑁆𑀦𑀫𑀭𑀺𑀬𑀸𑀤𑀸. 𑀲𑀤𑁆𑀥𑀸 𑀢𑁂𑀲𑀁 𑀅𑀢𑁆𑀣𑀻𑀢𑀺 𑀲𑀤𑁆𑀥𑀸. 𑀢𑀦𑁆𑀢𑀺𑀧𑀸𑀮𑀓𑀸𑀢𑀺 𑀲𑀤𑁆𑀥𑀫𑁆𑀫𑀢𑀦𑁆𑀢𑀺𑀬𑀸 𑀧𑀸𑀮𑀓𑀸. 𑀯𑀁𑀲𑀸𑀦𑀼𑀭𑀓𑁆𑀔𑀓𑀸𑀢𑀺 𑀅𑀭𑀺𑀬𑀯𑀁𑀲𑀲𑁆𑀲 𑀅𑀦𑀼𑀭𑀓𑁆𑀔𑀓𑀸. 𑀆𑀭𑀤𑁆𑀥𑀯𑀻𑀭𑀺𑀬𑀸𑀢𑀺 𑀧𑀕𑁆𑀕𑀳𑀺𑀢𑀯𑀻𑀭𑀺𑀬𑀸. 𑀬𑀲𑁆𑀫𑀸 𑀢𑀸𑀤𑀺𑀲𑀸𑀦𑀁 𑀯𑀻𑀭𑀺𑀬𑀁 𑀧𑀭𑀺𑀧𑀼𑀡𑁆𑀡𑀁 𑀦𑀸𑀫 𑀳𑁄𑀢𑀺 𑀓𑀺𑀘𑁆𑀘𑀲𑀺𑀤𑁆𑀥𑀺𑀬𑀸, 𑀢𑀲𑁆𑀫𑀸 𑀯𑀼𑀢𑁆𑀢𑀁 ‘‘𑀧𑀭𑀺𑀧𑀼𑀡𑁆𑀡𑀧𑀭𑀓𑁆𑀓𑀫𑀸’’𑀢𑀺. 𑀲𑀩𑁆𑀩𑀓𑀺𑀘𑁆𑀘𑀧𑀭𑀺𑀕𑁆𑀕𑀸𑀳𑀺𑀓𑀸𑀬𑀸𑀢𑀺 𑀘𑀢𑀼𑀦𑁆𑀦𑀁 𑀲𑀢𑀺𑀧𑀝𑁆𑀞𑀸𑀦𑀸𑀦𑀁 𑀪𑀸𑀯𑀦𑀸𑀓𑀺𑀘𑁆𑀘𑀧𑀭𑀺𑀕𑁆𑀕𑀸𑀳𑀺𑀓𑀸𑀬.

𑀅𑀲𑁆𑀲𑀤𑁆𑀥𑀲𑀁𑀲𑀦𑁆𑀤𑀦𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.