𑁨𑁩𑁪. 𑀓𑀲𑁆𑀲𑀧𑀕𑁄𑀢𑁆𑀢𑀪𑀺𑀓𑁆𑀔𑀼𑀯𑀢𑁆𑀣𑀼𑀓𑀣𑀸

𑁩𑁮𑁦. 𑀘𑀫𑁆𑀧𑁂𑀬𑁆𑀬𑀓𑁆𑀔𑀦𑁆𑀥𑀓𑁂 𑀕𑀕𑁆𑀕𑀭𑀸𑀬 𑀧𑁄𑀓𑁆𑀔𑀭𑀡𑀺𑀬𑀸𑀢𑀺 𑀏𑀢𑁆𑀣 𑀕𑀕𑁆𑀕𑀭𑀲𑀤𑁆𑀤𑀲𑁆𑀲 𑀦𑀸𑀫𑀲𑀤𑁆𑀤𑀪𑀸𑀯𑀁 𑀤𑀲𑁆𑀲𑁂𑀦𑁆𑀢𑁄 𑀆𑀳 ‘‘𑀕𑀕𑁆𑀕𑀭𑀦𑀸𑀫𑀺𑀓𑀸𑀬 𑀇𑀢𑁆𑀣𑀺𑀬𑀸’’𑀢𑀺. 𑀇𑀫𑀺𑀦𑀸 𑀕𑀕𑁆𑀕𑀭𑀲𑀤𑁆𑀤𑁄 𑀕𑀕𑁆𑀕𑀭𑀇𑀢𑀺 𑀦𑀸𑀫𑀁 𑀧𑀯𑀢𑁆𑀢𑀺𑀦𑀺𑀫𑀺𑀢𑁆𑀢𑀁 𑀓𑀢𑁆𑀯𑀸 𑀇𑀢𑁆𑀣𑀺𑀤𑀩𑁆𑀩𑀁 𑀯𑀤𑀢𑀻𑀢𑀺 𑀤𑀲𑁆𑀲𑁂𑀢𑀺. 𑀢𑀦𑁆𑀢𑀺𑀧𑀝𑀺𑀩𑀤𑁆𑀥𑁄𑀢𑀺 𑀢𑀦𑁆𑀢𑀺𑀬𑀸 𑀧𑀝𑀺𑀩𑀤𑁆𑀥𑁄. ‘‘𑀉𑀲𑁆𑀲𑀼𑀓𑁆𑀓𑀫𑁆𑀧𑀺 𑀅𑀓𑀸𑀲𑀺 𑀬𑀸𑀕𑀼𑀬𑀸’’𑀢𑀺𑀆𑀤𑀻𑀲𑀼 𑀏𑀯𑀁 𑀯𑀺𑀦𑀺𑀘𑁆𑀙𑀬𑁄 𑀯𑁂𑀤𑀺𑀢𑀩𑁆𑀩𑁄𑀢𑀺 𑀬𑁄𑀚𑀦𑀸. 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄𑀢𑀺 𑀓𑀲𑁆𑀲𑀧𑀕𑁄𑀢𑁆𑀢𑀦𑀸𑀫𑀓𑀲𑁆𑀲 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄. 𑀢𑀢𑁆𑀣𑁂𑀯𑀸𑀢𑀺 𑀯𑀸𑀲𑀪𑀕𑀸𑀫𑁂𑀬𑁂𑀯.

𑁩𑁮𑁨. 𑀅𑀥𑀫𑁆𑀫𑁂𑀦 𑀯𑀕𑁆𑀕𑀓𑀫𑁆𑀫𑀁 𑀓𑀭𑁄𑀦𑁆𑀢𑀻𑀢𑀺𑀆𑀤𑀻𑀦𑀁 𑀦𑀸𑀦𑀸𑀓𑀭𑀡𑀦𑁆𑀢𑀺 𑀲𑀫𑁆𑀩𑀦𑁆𑀥𑁄.