𑁨𑁦𑁫. 𑀭𑀸𑀚𑀕𑀳𑀲𑁂𑀝𑁆𑀞𑀺𑀯𑀢𑁆𑀣𑀼𑀓𑀣𑀸

𑁩𑁩𑁨. 𑀇𑀭𑀺𑀬𑀸𑀧𑀣𑀲𑀫𑁆𑀧𑀭𑀺𑀯𑀢𑁆𑀢𑀦𑁂𑀦𑀸𑀢𑀺 𑀇𑀭𑀺𑀬𑀸𑀧𑀣𑀲𑁆𑀲 𑀧𑀼𑀦𑀧𑁆𑀧𑀼𑀦𑀁 𑀧𑀭𑀺𑀯𑀢𑁆𑀢𑀦𑁂𑀦. 𑀢𑀻𑀳𑀺 𑀲𑀢𑁆𑀢𑀸𑀳𑁂𑀳𑀺 𑀦𑀺𑀘𑁆𑀘𑀮𑀲𑁆𑀲 𑀦𑀺𑀧𑀦𑁆𑀦𑀲𑁆𑀲 𑀅𑀲𑁆𑀲 𑀲𑁂𑀝𑁆𑀞𑀺𑀲𑁆𑀲 𑀫𑀢𑁆𑀣𑀮𑀼𑀗𑁆𑀕𑀦𑁆𑀢𑀺 𑀬𑁄𑀚𑀦𑀸. 𑀅𑀧𑁆𑀧𑁂𑀯 𑀦𑀺𑀧𑀚𑁆𑀚𑁂𑀬𑁆𑀬𑀸𑀢𑀺 𑀬𑁄𑀚𑀦𑀸. 𑀦𑀦𑁆𑀢𑀺 𑀲𑁂𑀝𑁆𑀞𑀺𑀁. 𑀢𑁂𑀦𑁂𑀯𑀸𑀢𑀺 𑀢𑁂𑀦𑁂𑀯 𑀓𑀸𑀭𑀡𑁂𑀦. 𑀲𑀻𑀲𑀁 𑀙𑀸𑀤𑁂𑀢𑀻𑀢𑀺 𑀲𑀻𑀲𑀘𑁆𑀙𑀯𑀻𑀢𑀺 𑀯𑀼𑀢𑁆𑀢𑁂 𑀲𑀻𑀲𑀧𑀝𑀺𑀘𑁆𑀙𑀸𑀤𑀦𑀘𑀫𑁆𑀫𑀦𑁆𑀢𑀺 𑀆𑀳 ‘‘𑀲𑀻𑀲𑀘𑀫𑁆𑀫’’𑀦𑁆𑀢𑀺. 𑀢𑀲𑁆𑀲𑀸𑀢𑀺 𑀲𑁂𑀝𑁆𑀞𑀺𑀲𑁆𑀲. 𑀢𑀻𑀳𑀺 𑀲𑀢𑁆𑀢𑀸𑀳𑁂𑀦𑀸𑀢𑀺 𑀏𑀢𑁆𑀣 𑀧𑀼𑀩𑁆𑀩𑀧𑀤𑁂𑀦 𑀧𑀘𑁆𑀙𑀺𑀫𑀧𑀤𑀁 𑀕𑀼𑀡𑀺𑀢𑁆𑀯𑀸 𑀕𑀳𑁂𑀢𑀩𑁆𑀩𑀦𑁆𑀢𑀺 𑀆𑀳 ‘‘𑀢𑀻𑀳𑀺 𑀧𑀲𑁆𑀲𑁂𑀳𑀺 𑀏𑀓𑁂𑀦𑁂𑀓𑁂𑀦 𑀲𑀢𑁆𑀢𑀸𑀳𑁂𑀦𑀸’’𑀢𑀺.

𑁩𑁩𑁩. 𑀚𑀦𑀁 𑀦𑀻𑀳𑀭𑀸𑀧𑁂𑀢𑁆𑀯𑀸𑀢𑀺 𑀚𑀦𑀁 𑀅𑀧𑀓𑁆𑀓𑀫𑀸𑀧𑁂𑀢𑁆𑀯𑀸.