𑁫. 𑀧𑀜𑁆𑀘𑀫𑀲𑀺𑀓𑁆𑀔𑀸𑀧𑀤𑀁

𑁯𑁦𑁩. 𑀧𑀜𑁆𑀘𑀫𑁂 ‘‘𑀘𑀻𑀯𑀭𑀲𑀗𑁆𑀓𑀫𑀦𑀻𑀬’’𑀦𑁆𑀢𑀺𑀏𑀢𑁆𑀣 𑀲𑀗𑁆𑀓𑀫𑁂𑀢𑀩𑁆𑀩𑀁 𑀧𑀝𑀺𑀤𑀸𑀢𑀩𑁆𑀩𑀦𑁆𑀢𑀺 𑀲𑀗𑁆𑀓𑀫𑀦𑀻𑀬𑀦𑁆𑀢𑀺 𑀓𑀫𑀼𑀥𑀸𑀢𑀼𑀲𑁆𑀲 𑀧𑀝𑀺𑀤𑀸𑀦𑀢𑁆𑀣𑀜𑁆𑀘 𑀅𑀦𑀻𑀬𑀲𑀤𑁆𑀤𑀲𑁆𑀲 𑀓𑀫𑁆𑀫𑀢𑁆𑀣𑀜𑁆𑀘, ‘𑀘𑀻𑀯𑀭𑀜𑁆𑀘 𑀢𑀁 𑀲𑀗𑁆𑀓𑀫𑀦𑀻𑀬𑀜𑁆𑀘𑁂’𑀢𑀺 𑀘𑀻𑀯𑀭𑀲𑀗𑁆𑀓𑀫𑀦𑀻𑀬𑀦𑁆𑀢𑀺 𑀯𑀺𑀲𑁂𑀲𑀦𑀧𑀭𑀧𑀤𑀪𑀸𑀯𑀜𑁆𑀘 𑀤𑀲𑁆𑀲𑁂𑀦𑁆𑀢𑁄 𑀆𑀳 ‘‘𑀲𑀗𑁆𑀓𑀫𑁂𑀢𑀩𑁆𑀩𑀁 𑀘𑀻𑀯𑀭’’𑀦𑁆𑀢𑀺. 𑀢𑀢𑁆𑀣 ‘‘𑀲𑀗𑁆𑀓𑀫𑁂𑀢𑀩𑁆𑀩𑀁 𑀘𑀻𑀯𑀭’’𑀦𑁆𑀢𑀺 𑀇𑀫𑀺𑀦𑀸 𑀓𑀫𑁆𑀫𑀢𑁆𑀣𑀜𑁆𑀘 𑀯𑀺𑀲𑁂𑀲𑀦𑀧𑀭𑀧𑀤𑀪𑀸𑀯𑀜𑁆𑀘 𑀤𑀲𑁆𑀲𑁂𑀢𑀺. ‘‘𑀧𑀝𑀺𑀤𑀸𑀢𑀩𑁆𑀩𑀘𑀻𑀯𑀭’’𑀦𑁆𑀢𑀺 𑀇𑀫𑀺𑀦𑀸 𑀓𑀫𑀼𑀥𑀸𑀢𑀼𑀬𑀸 𑀅𑀢𑁆𑀣𑀁 𑀤𑀲𑁆𑀲𑁂𑀢𑀺 𑀅𑀥𑀺𑀧𑁆𑀧𑀸𑀬𑀯𑀲𑁂𑀦𑀸𑀢𑀺. 𑀧𑀜𑁆𑀘𑀫𑀁.