𑁬. 𑀙𑀝𑁆𑀞𑀲𑀺𑀓𑁆𑀔𑀸𑀧𑀤𑀁

𑁯𑁦𑁯. 𑀙𑀝𑁆𑀞𑁂 ‘‘𑀅𑀜𑁆𑀜𑀁 𑀧𑀭𑀺𑀓𑁆𑀔𑀸𑀭’’𑀦𑁆𑀢𑀺𑀏𑀢𑁆𑀣 𑀧𑀭𑀺𑀓𑁆𑀔𑀸𑀭𑀲𑁆𑀲 𑀲𑀭𑀽𑀧𑀁 𑀤𑀲𑁆𑀲𑁂𑀦𑁆𑀢𑁄 𑀆𑀳 ‘‘𑀬𑀁𑀓𑀺𑀜𑁆𑀘𑀻’’𑀢𑀺𑀆𑀤𑀺. 𑀬𑀁𑀓𑀺𑀜𑁆𑀘𑀺 𑀅𑀜𑁆𑀜𑀢𑀭𑀦𑁆𑀢𑀺 𑀲𑀫𑁆𑀩𑀦𑁆𑀥𑁄. 𑀓𑀺𑀢𑁆𑀢𑀓𑀁𑀅𑀕𑁆𑀖𑀦𑀓𑀦𑁆𑀢𑀺 𑀓𑀺𑀁 𑀧𑀫𑀸𑀡𑁂𑀦 𑀅𑀕𑁆𑀖𑁂𑀦 𑀅𑀭𑀳𑀁 𑀘𑀻𑀯𑀭𑀁. 𑀤𑀸𑀢𑀼𑀓𑀸𑀫𑀢𑁆𑀣𑀸𑀢𑀺 𑀢𑀼𑀫𑁆𑀳𑁂 𑀤𑀸𑀢𑀼𑀓𑀸𑀫𑀸 𑀪𑀯𑀣𑀸𑀢𑀺 𑀅𑀢𑁆𑀣𑁄. 𑀓𑀢𑀺𑀧𑀸𑀳𑁂𑀦𑀸𑀢𑀺 𑀓𑀢𑀺𑀧𑀬𑀸𑀦𑀺 𑀅𑀳𑀸𑀦𑀺 𑀓𑀢𑀺𑀧𑀸𑀳𑀁, 𑀬𑀓𑀸𑀭𑀮𑁄𑀧𑁄. 𑀓𑀢𑀺𑀧𑀬𑀲𑀤𑁆𑀤𑁄𑀳𑀺 𑀤𑁆𑀯𑀺𑀢𑀺𑀯𑀸𑀘𑀓𑁄 𑀭𑀽𑀴𑁆𑀳𑀻𑀲𑀤𑁆𑀤𑁄, 𑀢𑁂𑀦 𑀓𑀢𑀺𑀧𑀸𑀳𑁂𑀦. 𑀲𑀫𑀕𑁆𑀖𑀦𑁆𑀢𑀺 𑀅𑀧𑁆𑀧𑀕𑁆𑀖𑀁. 𑀲𑀁𑀲𑀤𑁆𑀤𑁄 𑀳𑀺 𑀅𑀧𑁆𑀧𑀢𑁆𑀣𑀯𑀸𑀘𑀓𑁄𑀢𑀺. 𑀙𑀝𑁆𑀞𑀁.