𑁫. 𑀧𑀜𑁆𑀘𑀫𑀲𑀺𑀓𑁆𑀔𑀸𑀧𑀤𑀁

𑁧𑁦𑁪𑁩. 𑀧𑀜𑁆𑀘𑀫𑁂 ‘‘𑀓𑀼𑀮𑁂 𑀫𑀘𑁆𑀙𑀭𑁄’’𑀢𑀺 𑀏𑀢𑁆𑀣 𑀫𑀘𑁆𑀙𑀭𑀦𑀁 𑀫𑀘𑁆𑀙𑀭𑁄𑀢𑀺 𑀯𑀘𑀦𑀢𑁆𑀣𑁄 𑀓𑀸𑀢𑀩𑁆𑀩𑁄. ‘‘𑀢𑀁 𑀓𑀼𑀮𑀁 𑀅𑀲𑁆𑀲𑀤𑁆𑀥𑀁 𑀅𑀧𑁆𑀧𑀲𑀦𑁆𑀦’’𑀦𑁆𑀢𑀺 𑀓𑀼𑀮𑀲𑁆𑀲 𑀅𑀯𑀡𑁆𑀡𑀁 𑀪𑀸𑀲𑀢𑀻𑀢𑀺 𑀬𑁄𑀚𑀦𑀸. ‘‘𑀪𑀺𑀓𑁆𑀔𑀼𑀦𑀺𑀬𑁄 𑀤𑀼𑀲𑁆𑀲𑀻𑀮𑀸 𑀧𑀸𑀧𑀥𑀫𑁆𑀫𑀸’’𑀢𑀺 𑀪𑀺𑀓𑁆𑀔𑀼𑀦𑀻𑀦𑀁 𑀅𑀯𑀡𑁆𑀡𑀁 𑀪𑀸𑀲𑀢𑀻𑀢𑀺 𑀬𑁄𑀚𑀦𑀸.

𑁧𑁦𑁪𑁫. ‘‘𑀲𑀦𑁆𑀢𑀁𑀬𑁂𑀯 𑀆𑀤𑀻𑀦𑀯’’𑀦𑁆𑀢𑀺 𑀲𑀫𑁆𑀩𑀦𑁆𑀥𑀺𑀬𑀸 𑀲𑀫𑁆𑀩𑀦𑁆𑀥𑀁 𑀤𑀲𑁆𑀲𑁂𑀢𑀼𑀁 𑀯𑀼𑀢𑁆𑀢𑀁 ‘‘𑀓𑀼𑀮𑀲𑁆𑀲 𑀯𑀸 𑀪𑀺𑀓𑁆𑀔𑀼𑀦𑀻𑀦𑀁 𑀯𑀸’’𑀢𑀺 𑀇𑀫𑀺𑀦𑀸 𑀤𑁆𑀯𑀻𑀲𑀼 𑀅𑀜𑁆𑀜𑀢𑀭𑀫𑁂𑀯 𑀦 𑀲𑀫𑁆𑀩𑀦𑁆𑀥𑁄 𑀳𑁄𑀢𑀺, 𑀅𑀣 𑀔𑁄 𑀤𑁆𑀯𑀬𑀫𑁆𑀧𑀻𑀢𑀺 𑀤𑀲𑁆𑀲𑁂𑀢𑀻𑀢𑀺. 𑀧𑀜𑁆𑀘𑀫𑀁.