𑁬. 𑀣𑀸𑀮𑀓𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸

𑁭𑁧-𑁨. 𑀤𑀸𑀭𑀼 …𑀧𑁂… 𑀯𑁂𑀴𑀼𑀭𑀺𑀬𑀸𑀫𑀬𑀸 𑀅𑀓𑀧𑁆𑀧𑀺𑀬𑀸, 𑀨𑀮𑀺𑀓𑀸𑀓𑀸𑀘𑀓𑀁𑀲𑀚𑀸 𑀣𑀸𑀮𑀓𑀸 𑀕𑀺𑀳𑀺𑀲𑀦𑁆𑀢𑀓𑀸 𑀲𑀗𑁆𑀖𑀺𑀓𑀸 𑀘 𑀓𑀧𑁆𑀧𑀺𑀬𑀸, 𑀢𑀼𑀫𑁆𑀩𑀖𑀝𑀺𑀚𑀸 𑀢𑀸𑀯𑀓𑀸𑀮𑀺𑀓𑀸 𑀓𑀧𑁆𑀧𑀺𑀬𑀸𑀢𑀺 𑀲𑀫𑁆𑀩𑀦𑁆𑀥𑁄. 𑀓𑀧𑁆𑀧𑀦𑁆𑀢𑀺 𑀧𑀭𑀺𑀓𑀧𑁆𑀧𑀦𑁆𑀢𑀺 𑀅𑀯𑀺𑀭𑁄𑀥𑀺𑀪𑀸𑀯𑁂𑀦𑁂𑀯𑀸𑀢𑀺 𑀓𑀧𑁆𑀧𑀸, 𑀢𑀣𑀸 𑀓𑀧𑁆𑀧𑀺𑀬𑀸. 𑀦 𑀓𑀧𑁆𑀧𑀸 𑀅𑀓𑀧𑁆𑀧𑀸. 𑀲𑀗𑁆𑀖𑀲𑁆𑀲 𑀇𑀫𑁂 𑀲𑀗𑁆𑀖𑀺𑀓𑀸. 𑀢𑀸𑀯-𑀲𑀤𑁆𑀤𑁄 𑀅𑀯𑀥𑀺𑀫𑁆𑀳𑀺. 𑀢𑀸𑀯 𑀪𑁄𑀚𑀦𑀸𑀯𑀥𑀺𑀪𑀽𑀢𑁄 𑀓𑀸𑀮𑁄 𑀏𑀢𑀸𑀲𑀦𑁆𑀢𑀺 𑀢𑀸𑀯𑀓𑀸𑀮𑀺𑀓𑀸, 𑀪𑀼𑀜𑁆𑀚𑀺𑀢𑁆𑀯𑀸 𑀙𑀟𑁆𑀟𑁂𑀢𑀩𑁆𑀩𑀸, 𑀦 𑀧𑀭𑀺𑀳𑀭𑀺𑀢𑀩𑁆𑀩𑀸𑀢𑀺 𑀅𑀥𑀺𑀧𑁆𑀧𑀸𑀬𑁄.

𑀣𑀸𑀮𑀓𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.