𑁧𑁦. 𑀙𑀦𑁆𑀤𑀁𑀅𑀤𑀢𑁆𑀯𑀸𑀕𑀫𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀆𑀭𑁄𑀘𑀺𑀢𑀁 𑀯𑀢𑁆𑀣𑀼 𑀅𑀯𑀺𑀦𑀺𑀘𑁆𑀙𑀺𑀢𑀦𑁆𑀢𑀺 𑀆𑀭𑁄𑀘𑀺𑀢𑀯𑀢𑁆𑀣𑀼 𑀆𑀧𑀢𑁆𑀢𑀺𑀓𑀪𑀸𑀯𑁂𑀦 𑀦 𑀯𑀺𑀦𑀺𑀘𑁆𑀙𑀺𑀢𑀁. 𑀏𑀢𑁆𑀣 𑀘 𑀘𑁄𑀤𑀓𑁂𑀦 𑀘 𑀘𑀼𑀤𑀺𑀢𑀓𑁂𑀦 𑀘 𑀅𑀢𑁆𑀢𑀦𑁄 𑀓𑀣𑀸 𑀓𑀣𑀺𑀢𑀸, 𑀅𑀦𑀼𑀯𑀺𑀚𑁆𑀚𑀓𑁄 𑀲𑀫𑁆𑀫𑀢𑁄, 𑀏𑀢𑁆𑀢𑀸𑀯𑀢𑀸 𑀯𑀢𑁆𑀣𑀼𑀫𑁂𑀯 𑀆𑀭𑁄𑀘𑀺𑀢𑀁 𑀳𑁄𑀢𑀻𑀢𑀺 𑀤𑀝𑁆𑀞𑀩𑁆𑀩𑀁. 𑀙𑀦𑁆𑀤𑀁 𑀅𑀤𑀢𑁆𑀯𑀸 𑀉𑀝𑁆𑀞𑀸𑀬𑀸𑀲𑀦𑀸 𑀧𑀓𑁆𑀓𑀫𑁂𑀬𑁆𑀬𑀸𑀢𑀺 ‘‘𑀓𑀣𑀁 𑀇𑀤𑀁 𑀓𑀫𑁆𑀫𑀁 𑀓𑀼𑀧𑁆𑀧𑀁 𑀅𑀲𑁆𑀲, 𑀯𑀕𑁆𑀕𑀁 𑀅𑀲𑁆𑀲, 𑀦 𑀓𑀭𑁂𑀬𑁆𑀬𑀸’’𑀢𑀺 (𑀧𑀸𑀘𑀺. 𑁪𑁮𑁧) 𑀇𑀫𑀺𑀦𑀸 𑀅𑀥𑀺𑀧𑁆𑀧𑀸𑀬𑁂𑀦 𑀙𑀦𑁆𑀤𑀁 𑀅𑀤𑀢𑁆𑀯𑀸 𑀦𑀺𑀲𑀺𑀦𑁆𑀦𑀸𑀲𑀦𑀢𑁄 𑀉𑀝𑁆𑀞𑀸𑀬 𑀕𑀘𑁆𑀙𑁂𑀬𑁆𑀬. 𑀢𑁂𑀦𑀸𑀳 ‘‘𑀬𑁄 𑀪𑀺𑀓𑁆𑀔𑀽’’𑀢𑀺𑀆𑀤𑀺. 𑀓𑀺𑀭𑀺𑀬𑀸𑀓𑀺𑀭𑀺𑀬𑀦𑁆𑀢𑀺 𑀏𑀢𑁆𑀣 𑀕𑀫𑀦𑀁 𑀓𑀺𑀭𑀺𑀬𑀁, 𑀙𑀦𑁆𑀤𑀲𑁆𑀲 𑀅𑀤𑀸𑀦𑀁 𑀅𑀓𑀺𑀭𑀺𑀬𑀁.

𑀙𑀦𑁆𑀤𑀁𑀅𑀤𑀢𑁆𑀯𑀸𑀕𑀫𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.