𑁧. 𑀲𑀳𑀥𑀫𑁆𑀫𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀲𑀳𑀥𑀫𑁆𑀫𑀺𑀓𑀁 𑀯𑀼𑀘𑁆𑀘𑀫𑀸𑀦𑁄𑀢𑀺 𑀲𑀳𑀥𑀫𑁆𑀫𑀺𑀓𑁂𑀦 𑀯𑀼𑀘𑁆𑀘𑀫𑀸𑀦𑁄. 𑀓𑀭𑀡𑀢𑁆𑀣𑁂 𑀘𑁂𑀢𑀁 𑀉𑀧𑀬𑁄𑀕𑀯𑀘𑀦𑀁. ‘‘𑀧𑀜𑁆𑀘𑀳𑀺 𑀲𑀳𑀥𑀫𑁆𑀫𑀺𑀓𑁂𑀳𑀺 𑀲𑀺𑀓𑁆𑀔𑀺𑀢𑀩𑁆𑀩𑀢𑁆𑀢𑀸, 𑀢𑁂𑀲𑀁 𑀯𑀸 𑀲𑀦𑁆𑀢𑀓𑀢𑁆𑀢𑀸 ‘𑀲𑀳𑀥𑀫𑁆𑀫𑀺𑀓’𑀦𑁆𑀢𑀺 𑀮𑀤𑁆𑀥𑀦𑀸𑀫𑁂𑀦 𑀩𑀼𑀤𑁆𑀥𑀧𑀜𑁆𑀜𑀢𑁆𑀢𑁂𑀦 𑀲𑀺𑀓𑁆𑀔𑀸𑀧𑀤𑁂𑀦 𑀯𑀼𑀘𑁆𑀘𑀫𑀸𑀦𑁄𑀢𑀺 𑀅𑀢𑁆𑀣𑁄’’𑀢𑀺 (𑀓𑀗𑁆𑀔𑀸. 𑀅𑀝𑁆𑀞. 𑀤𑀼𑀩𑁆𑀩𑀘𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸; 𑀧𑀸𑀭𑀸. 𑀅𑀝𑁆𑀞. 𑁨.𑁪𑁨𑁫-𑁪𑁨𑁬) 𑀤𑀼𑀩𑁆𑀩𑀘𑀲𑀺𑀓𑁆𑀔𑀸𑀧𑀤𑁂 𑀯𑀼𑀢𑁆𑀢𑀢𑁆𑀢𑀸 ‘‘𑀲𑀳𑀥𑀫𑁆𑀫𑀺𑀓𑀁 𑀯𑀼𑀘𑁆𑀘𑀫𑀸𑀦𑁄𑀢𑀺 𑀇𑀫𑀲𑁆𑀲𑀢𑁆𑀣𑁄 𑀤𑀼𑀩𑁆𑀩𑀘𑀲𑀺𑀓𑁆𑀔𑀸𑀧𑀤𑁂 𑀯𑀼𑀢𑁆𑀢𑁄’’𑀢𑀺 𑀯𑀼𑀢𑁆𑀢𑀁. 𑀅𑀦𑀸𑀤𑀭𑀺𑀬𑀪𑀬𑀸𑀢𑀺 𑀅𑀦𑀸𑀤𑀭𑀓𑀭𑀡𑁂 𑀪𑀬𑀸, 𑀢𑀢𑁆𑀣 𑀧𑀸𑀘𑀺𑀢𑁆𑀢𑀺𑀬𑀪𑀬𑀸𑀢𑀺 𑀅𑀢𑁆𑀣𑁄. 𑀮𑁂𑀲𑁂𑀦 𑀏𑀯𑀁 𑀯𑀤𑀦𑁆𑀢𑀲𑁆𑀲𑀸𑀢𑀺 𑀉𑀚𑀼𑀓𑀁 ‘‘𑀦 𑀲𑀺𑀓𑁆𑀔𑀺𑀲𑁆𑀲𑀸𑀫𑀻’’𑀢𑀺 𑀅𑀯𑀢𑁆𑀯𑀸 ‘‘𑀬𑀸𑀯 𑀦 𑀅𑀜𑁆𑀜𑀁 𑀪𑀺𑀓𑁆𑀔𑀼’’𑀦𑁆𑀢𑀺𑀆𑀤𑀺𑀦𑀸 𑀮𑁂𑀲𑁂𑀦 𑀯𑀤𑀦𑁆𑀢𑀲𑁆𑀲.

𑀲𑀳𑀥𑀫𑁆𑀫𑀺𑀓𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.