𑁬. 𑀣𑁂𑀬𑁆𑀬𑀲𑀢𑁆𑀣𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀭𑀸𑀚𑀸𑀦𑀁 𑀯𑀸 𑀯𑀜𑁆𑀘𑁂𑀢𑁆𑀯𑀸𑀢𑀺 𑀭𑀸𑀚𑀸𑀦𑀁 𑀣𑁂𑀦𑁂𑀢𑁆𑀯𑀸 𑀭𑀜𑁆𑀜𑁄 𑀲𑀦𑁆𑀢𑀓𑀁 𑀓𑀺𑀜𑁆𑀘𑀺 𑀕𑀳𑁂𑀢𑁆𑀯𑀸, ‘‘𑀇𑀤𑀸𑀦𑀺 𑀢𑀲𑁆𑀲 𑀦 𑀤𑀲𑁆𑀲𑀸𑀫𑀸’’𑀢𑀺 𑀫𑀕𑁆𑀕𑀧𑁆𑀧𑀝𑀺𑀧𑀦𑁆𑀦𑀸 𑀅𑀓𑀢𑀓𑀫𑁆𑀫𑀸 𑀘𑁂𑀯 𑀓𑀢𑀓𑀫𑁆𑀫𑀸 𑀘 𑀘𑁄𑀭𑀸𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀏𑀲 𑀦𑀬𑁄 𑀲𑀼𑀗𑁆𑀓𑀁 𑀧𑀭𑀺𑀳𑀭𑀺𑀢𑀼𑀓𑀸𑀫𑀸𑀢𑀺 𑀏𑀢𑁆𑀣𑀸𑀧𑀺.

𑀓𑀸𑀮𑀯𑀺𑀲𑀗𑁆𑀓𑁂𑀢𑁂𑀦𑀸𑀢𑀺 𑀓𑀸𑀮𑀲𑁆𑀲 𑀯𑀺𑀲𑀗𑁆𑀓𑁂𑀢𑁂𑀦, 𑀤𑀺𑀯𑀲𑀯𑀺𑀲𑀗𑁆𑀓𑁂𑀢𑁂𑀦𑀸𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀫𑀕𑁆𑀕𑀯𑀺𑀲𑀗𑁆𑀓𑁂𑀢𑁂𑀦, 𑀧𑀦 𑀅𑀝𑀯𑀺𑀯𑀺𑀲𑀗𑁆𑀓𑁂𑀢𑁂𑀦 𑀯𑀸 𑀕𑀘𑁆𑀙𑀢𑁄 𑀆𑀧𑀢𑁆𑀢𑀺𑀬𑁂𑀯.

𑀣𑁂𑀬𑁆𑀬𑀲𑀢𑁆𑀣𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.