𑁩. 𑀉𑀓𑁆𑀓𑁄𑀝𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀢𑀲𑁆𑀲 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄𑀢𑀺 𑀬𑁂𑀦 𑀬𑁂𑀦 𑀯𑀽𑀧𑀲𑀫𑀺𑀢𑀁, 𑀢𑀲𑁆𑀲 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄. ‘‘𑀅𑀓𑀢𑀁 𑀓𑀫𑁆𑀫’’𑀦𑁆𑀢𑀺𑀆𑀤𑀻𑀦𑀺 𑀯𑀤𑀦𑁆𑀢𑁄𑀢𑀺 ‘‘𑀅𑀓𑀢𑀁 𑀓𑀫𑁆𑀫𑀁, 𑀤𑀼𑀓𑁆𑀓𑀝𑀁 𑀓𑀫𑁆𑀫𑀁, 𑀧𑀼𑀦 𑀓𑀸𑀢𑀩𑁆𑀩𑀁 𑀓𑀫𑁆𑀫𑀁, 𑀅𑀦𑀺𑀳𑀢𑀁 𑀤𑀼𑀦𑁆𑀦𑀺𑀳𑀢𑀁 𑀧𑀼𑀦 𑀦𑀺𑀳𑀦𑀺𑀢𑀩𑁆𑀩’’𑀦𑁆𑀢𑀺 (𑀧𑀸𑀘𑀺. 𑁩𑁯𑁪) 𑀯𑀤𑀦𑁆𑀢𑁄. 𑀬𑀣𑀸𑀞𑀺𑀢𑀪𑀸𑀯𑁂𑀦 𑀧𑀢𑀺𑀝𑁆𑀞𑀸𑀢𑀼𑀁 𑀦 𑀤𑀤𑁂𑀬𑁆𑀬𑀸𑀢𑀺 𑀢𑁂𑀲𑀁 𑀧𑀯𑀢𑁆𑀢𑀺 𑀆𑀓𑀸𑀭𑀤𑀲𑁆𑀲𑀦𑀢𑁆𑀣𑀁 𑀯𑀼𑀢𑁆𑀢𑀁. 𑀢𑁂𑀦𑀸𑀳 ‘‘𑀬𑀁 𑀧𑀦 𑀥𑀫𑁆𑀫𑁂𑀦 𑀅𑀥𑀺𑀓𑀭𑀡𑀁 𑀦𑀺𑀳𑀢𑀁, 𑀢𑀁 𑀲𑀼𑀦𑀺𑀳𑀢𑀫𑁂𑀯𑀸’’𑀢𑀺.

𑀉𑀓𑁆𑀓𑁄𑀝𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.