𑁧. 𑀲𑀜𑁆𑀘𑀺𑀘𑁆𑀘𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀧𑀸𑀘𑀺𑀢𑁆𑀢𑀺𑀬𑀦𑁆𑀢𑀺 𑀅𑀦𑁆𑀢𑀫𑀲𑁄 𑀫𑀜𑁆𑀘𑀧𑀻𑀞𑀁 𑀲𑁄𑀥𑁂𑀦𑁆𑀢𑁄 𑀫𑀗𑁆𑀕𑀼𑀮𑀩𑀻𑀚𑀓𑁂𑀧𑀺 𑀧𑀸𑀡𑀲𑀜𑁆𑀜𑀻 𑀦𑀺𑀓𑁆𑀓𑀸𑀭𑀼𑀡𑀺𑀓𑀢𑀸𑀬 𑀢𑀁 𑀪𑀺𑀦𑁆𑀤𑀦𑁆𑀢𑁄 𑀅𑀧𑀦𑁂𑀢𑀺 (𑀧𑀸𑀘𑀺. 𑀅𑀝𑁆𑀞. 𑁩𑁮𑁨), 𑀧𑀸𑀘𑀺𑀢𑁆𑀢𑀺𑀬𑀁. 𑀢𑁂𑀦𑀸𑀳 ‘‘𑀢𑀁 𑀔𑀼𑀤𑁆𑀤𑀓𑀫𑁆𑀧𑀻’’𑀢𑀺𑀆𑀤𑀺. 𑀉𑀧𑀓𑁆𑀓𑀫𑀫𑀳𑀦𑁆𑀢𑀢𑀸𑀬 𑀅𑀓𑀼𑀲𑀮𑀁 𑀫𑀳𑀦𑁆𑀢𑀁 𑀳𑁄𑀢𑀻𑀢𑀺 𑀩𑀳𑀼𑀓𑁆𑀔𑀢𑁆𑀢𑀼𑀁 𑀧𑀯𑀢𑁆𑀢𑀚𑀯𑀦𑁂𑀳𑀺 𑀮𑀤𑁆𑀥𑀸𑀲𑁂𑀯𑀦𑀸𑀬 𑀲𑀦𑁆𑀦𑀺𑀝𑁆𑀞𑀸𑀧𑀓𑀘𑁂𑀢𑀦𑀸𑀬 𑀯𑀲𑁂𑀦 𑀧𑀬𑁄𑀕𑀲𑁆𑀲 𑀫𑀳𑀦𑁆𑀢𑀢𑁆𑀢𑀸 𑀅𑀓𑀼𑀲𑀮𑀁 𑀫𑀳𑀦𑁆𑀢𑀁 𑀳𑁄𑀢𑀺, 𑀫𑀳𑀸𑀲𑀸𑀯𑀚𑁆𑀚𑀁 𑀳𑁄𑀢𑀻𑀢𑀺 𑀅𑀥𑀺𑀧𑁆𑀧𑀸𑀬𑁄.

𑀲𑀜𑁆𑀘𑀺𑀘𑁆𑀘𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.