𑁪. 𑀓𑀸𑀡𑀫𑀸𑀢𑀸𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀧𑀳𑁂𑀡𑀓𑀢𑁆𑀣𑀸𑀬𑀸𑀢𑀺 𑀧𑀡𑁆𑀡𑀸𑀓𑀸𑀭𑀢𑁆𑀣𑀸𑀬. 𑀧𑀸𑀣𑁂𑀬𑁆𑀬𑀢𑁆𑀣𑀸𑀬𑀸𑀢𑀺 𑀫𑀕𑁆𑀕𑀁 𑀕𑀘𑁆𑀙𑀦𑁆𑀢𑀸𑀦𑀁 𑀅𑀦𑁆𑀢𑀭𑀸𑀫𑀕𑁆𑀕𑀢𑁆𑀣𑀸𑀬. 𑀲𑀢𑁆𑀢𑀽𑀢𑀺 𑀩𑀤𑁆𑀥𑀲𑀢𑁆𑀢𑀼, 𑀅𑀩𑀤𑁆𑀥𑀲𑀢𑁆𑀢𑀼 𑀘. 𑀤𑁆𑀯𑀢𑁆𑀢𑀺𑀧𑀢𑁆𑀢𑀧𑀽𑀭𑁂 𑀧𑀝𑀺𑀕𑁆𑀕𑀳𑁂𑀢𑁆𑀯𑀸𑀢𑀺 𑀫𑀼𑀔𑀯𑀝𑁆𑀝𑀺𑀬𑀸 𑀳𑁂𑀝𑁆𑀞𑀺𑀫𑀮𑁂𑀔𑀸𑀬 𑀲𑀫𑀁 𑀧𑀽𑀭𑁂 𑀤𑁆𑀯𑀢𑁆𑀢𑀺𑀧𑀢𑁆𑀢𑀧𑀽𑀭𑁂 𑀕𑀳𑁂𑀢𑁆𑀯𑀸𑀢𑀺 𑀅𑀢𑁆𑀣𑁄. 𑀇𑀫𑀲𑁆𑀲 𑀘𑀢𑁆𑀣𑀲𑁆𑀲 𑀳𑁂𑀝𑁆𑀞𑀸 𑀯𑀼𑀢𑁆𑀢𑀦𑀬𑁂𑀦𑁂𑀯 𑀧𑀸𑀓𑀝𑀢𑁆𑀢𑀸 𑀢𑀢𑁆𑀣 𑀓𑀢𑁆𑀢𑀩𑁆𑀩𑀧𑁆𑀧𑀓𑀸𑀭𑀫𑁂𑀯 𑀤𑀲𑁆𑀲𑁂𑀢𑀼𑀁 ‘‘𑀏𑀢𑁆𑀣𑀸’’𑀢𑀺𑀆𑀤𑀺𑀫𑀸𑀳. 𑀲𑁂𑀲𑀦𑁆𑀢𑀺 𑀢𑀢𑁄 𑀏𑀓𑀧𑀢𑁆𑀢𑀢𑁄 𑀅𑀜𑁆𑀜𑀁 𑀧𑀢𑁆𑀢𑀁. 𑀲𑀘𑁂 𑀢𑀬𑁄 𑀧𑀢𑁆𑀢𑀧𑀽𑀭𑀸 𑀕𑀳𑀺𑀢𑀸 𑀤𑁆𑀯𑁂, 𑀲𑀘𑁂 𑀤𑁆𑀯𑁂 𑀕𑀳𑀺𑀢𑀸, 𑀏𑀓𑀦𑁆𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺.

𑀕𑀫𑀦𑁂 𑀯𑀸 𑀧𑀝𑀺𑀧𑁆𑀧𑀲𑁆𑀲𑀤𑁆𑀥𑁂𑀢𑀺 𑀅𑀦𑁆𑀢𑀭𑀸𑀫𑀕𑁆𑀕𑁂 𑀉𑀧𑀤𑁆𑀤𑀯𑀁 𑀤𑀺𑀲𑁆𑀯𑀸, 𑀅𑀦𑀢𑁆𑀣𑀺𑀓𑀢𑀸𑀬 𑀯𑀸 ‘‘𑀫𑀬𑀁 𑀇𑀤𑀸𑀦𑀺 𑀦 𑀧𑁂𑀲𑀺𑀲𑁆𑀲𑀸𑀫 𑀦 𑀕𑀫𑀺𑀲𑁆𑀲𑀸𑀫𑀸’’𑀢𑀺 𑀏𑀯𑀁 𑀕𑀫𑀦𑁂 𑀉𑀧𑀘𑁆𑀙𑀺𑀦𑁆𑀦𑁂 𑀤𑁂𑀦𑁆𑀢𑀸𑀦𑀦𑁆𑀢𑀺 𑀅𑀢𑁆𑀣𑁄.

𑀓𑀸𑀡𑀫𑀸𑀢𑀸𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.