𑁭. 𑀆𑀫𑀓𑀥𑀜𑁆𑀜𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀢𑀲𑁆𑀫𑀸𑀢𑀺 𑀬𑀲𑁆𑀫𑀸 𑀯𑀺𑀜𑁆𑀜𑀢𑁆𑀢𑀺 𑀘𑁂𑀯 𑀪𑁄𑀚𑀦𑀜𑁆𑀘 𑀧𑀫𑀸𑀡𑀁, 𑀢𑀲𑁆𑀫𑀸. 𑀦 𑀓𑁂𑀯𑀮𑀜𑁆𑀘𑁂𑀢𑁆𑀣 𑀧𑀝𑀺𑀕𑁆𑀕𑀳𑀡𑁂𑀬𑁂𑀯 𑀤𑀼𑀓𑁆𑀓𑀝𑀁 𑀳𑁄𑀢𑀺, 𑀧𑀝𑀺𑀕𑁆𑀕𑀡𑁆𑀳𑀺𑀢𑁆𑀯𑀸 𑀧𑀦 𑀅𑀭𑀜𑁆𑀜𑀢𑁄 𑀆𑀳𑀭𑀡𑁂𑀧𑀺 𑀲𑀼𑀓𑁆𑀔𑀸𑀧𑀦𑁂𑀧𑀺 𑀯𑀤𑁆𑀤𑀮𑀺𑀤𑀺𑀯𑀲𑁂 𑀪𑀚𑁆𑀚𑀦𑀢𑁆𑀣𑀸𑀬 𑀉𑀤𑁆𑀥𑀦𑀲𑀚𑁆𑀚𑀦𑁂𑀧𑀺 𑀓𑀧𑀮𑁆𑀮𑀲𑀚𑁆𑀚𑀦𑁂𑀧𑀺 𑀤𑀩𑁆𑀩𑀺𑀲𑀚𑁆𑀚𑀦𑁂𑀧𑀺 𑀤𑀸𑀭𑀽𑀦𑀺 𑀆𑀤𑀸𑀬 𑀅𑀕𑁆𑀕𑀺𑀓𑀭𑀡𑁂𑀧𑀺 𑀓𑀧𑀮𑁆𑀮𑀫𑁆𑀳𑀺 𑀥𑀜𑁆𑀜𑀧𑀓𑁆𑀔𑀺𑀧𑀦𑁂𑀧𑀺 𑀤𑀩𑁆𑀩𑀺𑀬𑀸 𑀲𑀗𑁆𑀖𑀝𑁆𑀝𑀦𑁂𑀲𑀼𑀧𑀺 𑀓𑁄𑀝𑁆𑀝𑀦𑀢𑁆𑀣𑀁 𑀉𑀤𑀼𑀓𑁆𑀔𑀮𑀫𑀼𑀲𑀮𑀸𑀤𑀺𑀲𑀚𑁆𑀚𑀦𑁂𑀲𑀼𑀧𑀺 𑀓𑁄𑀝𑁆𑀝𑀦𑀧𑀧𑁆𑀨𑁄𑀝𑀦𑀥𑁄𑀯𑀦𑀸𑀤𑀻𑀲𑀼𑀧𑀺 𑀬𑀸𑀯 𑀫𑀼𑀔𑁂 𑀞𑀧𑁂𑀢𑁆𑀯𑀸 𑀅𑀚𑁆𑀛𑁄𑀳𑀭𑀡𑀢𑁆𑀣𑀁 𑀤𑀦𑁆𑀢𑁂𑀳𑀺 𑀲𑀗𑁆𑀔𑀸𑀤𑀢𑀺, 𑀢𑀸𑀯 𑀲𑀩𑁆𑀩𑀧𑁆𑀧𑀬𑁄𑀕𑁂𑀲𑀼 𑀤𑀼𑀓𑁆𑀓𑀝𑀸𑀦𑀻𑀢𑀺 𑀆𑀳 ‘‘𑀧𑀝𑀺𑀕𑁆𑀕𑀳𑀡𑀢𑁄 𑀧𑀝𑁆𑀞𑀸𑀬 𑀬𑀸𑀯 𑀤𑀦𑁆𑀢𑁂𑀳𑀺 𑀲𑀁𑀔𑀸𑀤𑀦𑀁, 𑀢𑀸𑀯 𑀧𑀼𑀩𑁆𑀩𑀧𑁆𑀧𑀬𑁄𑀕𑁂𑀲𑀼 𑀤𑀼𑀓𑁆𑀓𑀝𑀸𑀦𑀻’’𑀢𑀺.

𑀆𑀫𑀓𑀥𑀜𑁆𑀜𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.