𑁮. 𑀧𑀞𑀫𑀉𑀘𑁆𑀘𑀸𑀭𑀙𑀟𑁆𑀟𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑀢𑀺𑀭𑁄𑀓𑀼𑀝𑁆𑀝𑁂𑀢𑀺 𑀖𑀭𑀓𑀼𑀝𑁆𑀝𑀲𑁆𑀲 𑀧𑀭𑀪𑀸𑀕𑁂. 𑀢𑀺𑀭𑁄𑀧𑀸𑀓𑀸𑀭𑁂𑀢𑀺 𑀧𑀭𑀺𑀓𑁆𑀔𑁂𑀧𑀧𑀸𑀓𑀸𑀭𑀲𑁆𑀲 𑀢𑀺𑀭𑁄𑀪𑀸𑀕𑁂, 𑀢𑁂 𑀘 𑀔𑁄 𑀓𑀼𑀝𑁆𑀝𑀧𑀸𑀓𑀸𑀭𑀸 𑀇𑀝𑁆𑀞𑀓𑀲𑀺𑀮𑀤𑀸𑀭𑀽𑀦𑀁 𑀯𑀲𑁂𑀦 𑀢𑀺𑀧𑁆𑀧𑀓𑀸𑀭𑀸𑀢𑀺 𑀆𑀳 ‘‘𑀬𑀲𑁆𑀲 𑀓𑀲𑁆𑀲𑀘𑀺 𑀓𑀼𑀝𑁆𑀝𑀲𑁆𑀲 𑀯𑀸 𑀧𑀸𑀓𑀸𑀭𑀲𑁆𑀲 𑀯𑀸 𑀧𑀭𑀢𑁄’’𑀢𑀺. 𑀲𑀩𑁆𑀩𑀸𑀦𑀺𑀧𑁂𑀢𑀸𑀦𑀺 𑀏𑀓𑀢𑁄 𑀙𑀟𑁆𑀟𑁂𑀦𑁆𑀢𑀺𑀬𑀸𑀢𑀺 𑀏𑀢𑀸𑀦𑀺 𑀘𑀢𑁆𑀢𑀸𑀭𑀺𑀧𑀺 𑀯𑀢𑁆𑀣𑀽𑀦𑀺 𑀏𑀓𑀢𑁄 𑀙𑀟𑁆𑀟𑁂𑀦𑁆𑀢𑀺𑀬𑀸. 𑀧𑀸𑀝𑁂𑀓𑁆𑀓𑀁 𑀧𑀦 𑀙𑀟𑁆𑀟𑁂𑀦𑁆𑀢𑀺𑀬𑀸 𑀯𑀢𑁆𑀣𑀼𑀕𑀡𑀦𑀸𑀬 𑀆𑀧𑀢𑁆𑀢𑀺𑀬𑁄. 𑀆𑀡𑀢𑁆𑀢𑀺𑀬𑀫𑁆𑀧𑀺 𑀏𑀲𑁂𑀯 𑀦𑀬𑁄.

𑀪𑀺𑀓𑁆𑀔𑀼𑀲𑁆𑀲 𑀤𑀼𑀓𑁆𑀓𑀝𑀦𑁆𑀢𑀺 𑀪𑀺𑀓𑁆𑀔𑀼𑀲𑁆𑀲 𑀲𑀩𑁆𑀩𑀢𑁆𑀣 𑀤𑀼𑀓𑁆𑀓𑀝𑀁.

𑀧𑀞𑀫𑀉𑀘𑁆𑀘𑀸𑀭𑀙𑀟𑁆𑀟𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.