𑁧𑁦. 𑀆𑀢𑀧𑁆𑀧𑀓𑀭𑀡𑀻𑀬𑀲𑀼𑀢𑁆𑀢𑀯𑀡𑁆𑀡𑀦𑀸

𑁫𑁦. 𑀤𑀲𑀫𑁂 𑀲𑀭𑀻𑀭𑀲𑀫𑁆𑀪𑀯𑀸𑀦𑀦𑁆𑀢𑀺 𑀲𑀭𑀻𑀭𑁂 𑀲𑀫𑁆𑀪𑀽𑀢𑀸𑀦𑀁. 𑀤𑀼𑀓𑁆𑀔𑀸𑀦𑀦𑁆𑀢𑀺 𑀅𑀦𑀺𑀝𑁆𑀞𑀸𑀦𑀁. 𑀩𑀳𑀮𑀸𑀦𑀦𑁆𑀢𑀺 𑀦𑀺𑀭𑀦𑁆𑀢𑀭𑀧𑁆𑀧𑀯𑀢𑁆𑀢𑀺𑀬𑀸 𑀅𑀯𑀺𑀭𑀴𑀸𑀦𑀁. 𑀢𑀸𑀧𑀦𑀯𑀲𑁂𑀦𑀸𑀢𑀺 𑀤𑀼𑀓𑁆𑀔𑀸𑀧𑀦𑀯𑀲𑁂𑀦. 𑀢𑀺𑀩𑁆𑀩𑀸𑀦𑀦𑁆𑀢𑀺 𑀓𑀼𑀭𑀽𑀭𑀸𑀦𑀁. 𑀢𑀸𑀲𑀁 𑀬𑀣𑀸𑀯𑀼𑀢𑁆𑀢𑀸𑀦𑀁 𑀅𑀥𑀺𑀯𑀸𑀲𑀦𑀸𑀬 𑀧𑀳𑀸𑀢𑀩𑁆𑀩𑀤𑀼𑀓𑁆𑀔𑀯𑁂𑀤𑀦𑀸𑀦𑀁 𑀧𑀚𑀳𑀦𑀁 𑀦𑀸𑀫 𑀔𑀫𑀦𑀫𑁂𑀯𑀸𑀢𑀺 𑀆𑀳 ‘‘𑀔𑀫𑀦𑀢𑁆𑀣𑀸𑀬𑀸’’𑀢𑀺. 𑀆𑀡𑀸𑀧𑁂𑀢𑁆𑀯𑀸𑀢𑀺 ‘‘𑀆𑀢𑀧𑁆𑀧𑀁 𑀓𑀭𑀡𑀻𑀬’’𑀦𑁆𑀢𑀺 𑀩𑀼𑀤𑁆𑀥𑀸𑀡𑀁 𑀯𑀺𑀥𑀸𑀬. 𑀮𑁄𑀓𑀺𑀬𑀮𑁄𑀓𑀼𑀢𑁆𑀢𑀭𑀫𑀺𑀲𑁆𑀲𑀓𑀸 𑀓𑀣𑀺𑀢𑀸 𑀲𑀲𑀫𑁆𑀪𑀸𑀭𑀸𑀦𑀁 𑀫𑀕𑁆𑀕𑀥𑀫𑁆𑀫𑀸𑀦𑀁 𑀓𑀣𑀺𑀢𑀢𑁆𑀢𑀸.

𑀆𑀢𑀧𑁆𑀧𑀓𑀭𑀡𑀻𑀬𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.