𑁧𑁧. 𑀫𑀳𑀸𑀘𑁄𑀭𑀲𑀼𑀢𑁆𑀢𑀯𑀡𑁆𑀡𑀦𑀸

𑁫𑁧. 𑀏𑀓𑀸𑀤𑀲𑀫𑁂 𑀫𑀳𑀸𑀩𑀮𑀯𑀘𑁄𑀭𑁄 𑀫𑀳𑀸𑀘𑁄𑀭𑁄𑀢𑀺 𑀆𑀳 ‘‘𑀫𑀳𑀦𑁆𑀢𑁄 𑀩𑀮𑀯𑀘𑁄𑀭𑁄’’𑀢𑀺. 𑀩𑀮𑀯𑀘𑁄𑀭𑁄𑀢𑀺 𑀘 𑀫𑀳𑀸𑀣𑀸𑀫𑀢𑀸𑀬 𑀫𑀳𑀸𑀧𑀭𑀺𑀯𑀸𑀭𑀢𑀸𑀬 𑀫𑀳𑀸𑀘𑁄𑀭𑀺𑀬𑀓𑀫𑁆𑀫𑀲𑀫𑀢𑁆𑀣𑀢𑀸𑀬 𑀘 𑀯𑁂𑀤𑀺𑀢𑀩𑁆𑀩𑁄. 𑀫𑀳𑀢𑀁 𑀕𑀸𑀫𑀦𑀺𑀕𑀫𑀸𑀦𑀁 𑀯𑀺𑀮𑀼𑀧𑁆𑀧𑀦𑀁 𑀫𑀳𑀸𑀯𑀺𑀮𑁄𑀧𑁄. 𑀢𑀁 𑀢𑀁 𑀓𑀸𑀭𑀡𑀁 𑀧𑀓𑁆𑀔𑀺𑀧𑀺𑀢𑁆𑀯𑀸𑀢𑀺 𑀢𑀁 𑀢𑀁 𑀅𑀓𑀭𑀡𑀫𑁂𑀯 𑀓𑀸𑀭𑀡𑀁 𑀓𑀢𑁆𑀯𑀸 𑀢𑀧𑁆𑀧𑀝𑀺𑀩𑀤𑁆𑀥𑀸𑀬 𑀓𑀣𑀸𑀬 𑀧𑀓𑁆𑀔𑀺𑀧𑀺𑀢𑁆𑀯𑀸. 𑀅𑀢𑁆𑀣𑀁 𑀓𑀣𑀬𑀺𑀲𑁆𑀲𑀦𑁆𑀢𑀻𑀢𑀺 𑀢𑀲𑁆𑀲 𑀢𑀲𑁆𑀲 𑀅𑀢𑁆𑀣𑀜𑁆𑀘 𑀓𑀣𑀬𑀺𑀲𑁆𑀲𑀦𑁆𑀢𑀺. 𑀳𑀭𑀦𑁆𑀢𑀸𑀢𑀺 𑀅𑀧𑀦𑁂𑀦𑁆𑀢𑀸 𑀧𑀭𑀺𑀳𑀭𑀦𑁆𑀢𑀸. 𑀤𑀲𑀯𑀢𑁆𑀣𑀼𑀓𑀸𑀬𑀸𑀢𑀺 ‘‘𑀲𑀲𑁆𑀲𑀢𑁄 𑀮𑁄𑀓𑁄’’𑀢𑀺 (𑀫. 𑀦𑀺. 𑁧.𑁨𑁬𑁯) 𑀆𑀤𑀺𑀤𑀲𑀯𑀢𑁆𑀣𑀼𑀲𑀦𑁆𑀦𑀺𑀲𑁆𑀲𑀺𑀢𑀸𑀬. 𑀅𑀦𑁆𑀢𑀁 𑀕𑀳𑁂𑀢𑁆𑀯𑀸 𑀞𑀺𑀢𑀤𑀺𑀝𑁆𑀞𑀺𑀬𑀸𑀢𑀺 𑀢𑀫𑁂𑀯 𑀲𑀲𑁆𑀲𑀢𑀸𑀤𑀺𑀅𑀦𑁆𑀢𑀁 𑀕𑀳𑁂𑀢𑁆𑀯𑀸 𑀅𑀯𑀺𑀲𑁆𑀲𑀚𑁆𑀚𑁂𑀢𑁆𑀯𑀸 𑀞𑀺𑀢𑀤𑀺𑀝𑁆𑀞𑀺𑀬𑀸.

𑀫𑀳𑀸𑀘𑁄𑀭𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀘𑀽𑀴𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀧𑀞𑀫𑀧𑀡𑁆𑀡𑀸𑀲𑀓𑀁 𑀦𑀺𑀝𑁆𑀞𑀺𑀢𑀁.