𑁨. 𑀧𑀯𑀺𑀯𑁂𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁯𑁪. 𑀤𑀼𑀢𑀺𑀬𑁂 𑀲𑀸𑀡𑁂𑀳𑀺 𑀯𑀸𑀓𑁂𑀳𑀺 𑀦𑀺𑀩𑁆𑀩𑀢𑁆𑀢𑀺𑀢𑀸𑀦𑀺 𑀲𑀸𑀡𑀸𑀦𑀺. 𑀫𑀺𑀲𑁆𑀲𑀲𑀸𑀡𑀸𑀦𑀺 𑀫𑀲𑀸𑀡𑀸𑀦𑀺 𑀦 𑀪𑀗𑁆𑀕𑀸𑀦𑀺. 𑀏𑀭𑀓𑀢𑀺𑀡𑀸𑀤𑀻𑀦𑀻𑀢𑀺 𑀆𑀤𑀺-𑀲𑀤𑁆𑀤𑁂𑀦 𑀅𑀓𑁆𑀓𑀫𑀓𑀘𑀺𑀓𑀤𑀮𑀺𑀯𑀸𑀓𑀸𑀤𑀻𑀦𑀁 𑀲𑀗𑁆𑀕𑀳𑁄. 𑀏𑀭𑀓𑀸𑀤𑀻𑀳𑀺 𑀓𑀢𑀸𑀦𑀺 𑀳𑀺 𑀙𑀯𑀸𑀦𑀺 𑀮𑀸𑀫𑀓𑀸𑀦𑀺 𑀤𑀼𑀲𑁆𑀲𑀸𑀦𑀻𑀢𑀺 ‘‘𑀙𑀯𑀤𑀼𑀲𑁆𑀲𑀸𑀦𑀻’’𑀢𑀺 𑀯𑀢𑁆𑀢𑀩𑁆𑀩𑀢𑀁 𑀮𑀪𑀦𑁆𑀢𑀺. 𑀓𑀼𑀡𑁆𑀟𑀓𑀦𑁆𑀢𑀺 𑀢𑀦𑀼𑀢𑀭𑀁 𑀢𑀡𑁆𑀟𑀼𑀮𑀧𑁆𑀧𑀓𑀭𑀡𑀁. 𑀧𑀜𑁆𑀘 𑀤𑀼𑀲𑁆𑀲𑀻𑀮𑁆𑀬𑀸𑀦𑀻𑀢𑀺 𑀧𑀸𑀡𑀸𑀢𑀺𑀧𑀸𑀢𑀸𑀤𑀻𑀦𑀺 𑀧𑀜𑁆𑀘. 𑀘𑀢𑁆𑀢𑀸𑀭𑁄 𑀆𑀲𑀯𑀸𑀢𑀺 𑀓𑀸𑀫𑀸𑀲𑀯𑀸𑀤𑀬𑁄 𑀘𑀢𑁆𑀢𑀸𑀭𑁄 𑀆𑀲𑀯𑀸. 𑀲𑀻𑀮𑀕𑁆𑀕𑀧𑁆𑀧𑀢𑁆𑀢𑁄𑀢𑀺 𑀲𑀻𑀮𑁂𑀦, 𑀲𑀻𑀮𑀲𑁆𑀲 𑀯𑀸 𑀅𑀕𑁆𑀕𑀧𑁆𑀧𑀢𑁆𑀢𑁄.

𑀧𑀯𑀺𑀯𑁂𑀓𑀲𑀼𑀢𑁆𑀢𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.