𑁪𑁦𑁩. 𑀅𑀝𑁆𑀞𑀺𑀲𑁂𑀦𑀓𑀚𑀸𑀢𑀓𑀁 (𑁭-𑁧-𑁮)

𑁫𑁪. 𑀬𑁂𑀫𑁂 𑀅𑀳𑀁 𑀦 𑀚𑀸𑀦𑀸𑀫𑀺, 𑀅𑀝𑁆𑀞𑀺𑀲𑁂𑀦 𑀯𑀦𑀺𑀩𑁆𑀩𑀓𑁂;

𑀢𑁂 𑀫𑀁 𑀲𑀗𑁆𑀕𑀫𑁆𑀫 𑀬𑀸𑀘𑀦𑁆𑀢𑀺, 𑀓𑀲𑁆𑀫𑀸 𑀫𑀁 𑀢𑁆𑀯𑀁 𑀦 𑀬𑀸𑀘𑀲𑀺.

𑁫𑁫. 𑀬𑀸𑀘𑀓𑁄 𑀅𑀧𑁆𑀧𑀺𑀬𑁄 𑀳𑁄𑀢𑀺, 𑀬𑀸𑀘𑀁 𑀅𑀤𑀤𑀫𑀧𑁆𑀧𑀺𑀬𑁄;

𑀢𑀲𑁆𑀫𑀸𑀳𑀁 𑀢𑀁 𑀦 𑀬𑀸𑀘𑀸𑀫𑀺, 𑀫𑀸 𑀫𑁂 𑀯𑀺𑀤𑁂𑀲𑁆𑀲𑀦𑀸 [𑀯𑀺𑀤𑁆𑀤𑁂𑀲𑀦𑀸 (𑀲𑀻. 𑀧𑀻.)] 𑀅𑀳𑀼.

𑁫𑁬. 𑀬𑁄 𑀯𑁂 𑀬𑀸𑀘𑀦𑀚𑀻𑀯𑀸𑀦𑁄, 𑀓𑀸𑀮𑁂 𑀬𑀸𑀘𑀁 𑀦 𑀬𑀸𑀘𑀢𑀺;

𑀧𑀭𑀜𑁆𑀘 𑀧𑀼𑀜𑁆𑀜𑀸 [𑀧𑀼𑀜𑁆𑀜𑀁 (𑀲𑁆𑀬𑀸. 𑀓.)] 𑀥𑀁𑀲𑁂𑀢𑀺, 𑀅𑀢𑁆𑀢𑀦𑀸𑀧𑀺 𑀦 𑀚𑀻𑀯𑀢𑀺.

𑁫𑁭. 𑀬𑁄 𑀘 [𑀬𑁄 𑀯𑁂 (𑀓.)] 𑀬𑀸𑀘𑀦𑀚𑀻𑀯𑀸𑀦𑁄, 𑀓𑀸𑀮𑁂 𑀬𑀸𑀘𑀜𑁆𑀳𑀺 𑀬𑀸𑀘𑀢𑀺 [𑀬𑀸𑀘𑀁𑀧𑀺 𑀬𑀸𑀘𑀢𑀺 (𑀲𑁆𑀬𑀸.), 𑀬𑀸𑀘𑀸𑀦𑀺 𑀬𑀸𑀘𑀢𑀺 (𑀧𑀻.), 𑀬𑀸𑀘𑀢𑀺 𑀬𑀸𑀘𑀦𑀁 (𑀲𑀻. 𑀦𑀺𑀬𑁆𑀬), 𑀬𑀸𑀘𑀦𑀁 𑀬𑀸𑀘𑀢𑀺 (𑀓.)];

𑀧𑀭𑀜𑁆𑀘 𑀧𑀼𑀜𑁆𑀜𑀁 𑀮𑀩𑁆𑀪𑁂𑀢𑀺, 𑀅𑀢𑁆𑀢𑀦𑀸𑀧𑀺 𑀘 𑀚𑀻𑀯𑀢𑀺.

𑁫𑁮. 𑀦 𑀯𑁂 𑀤𑁂𑀲𑁆𑀲𑀦𑁆𑀢𑀺 [𑀦 𑀯𑁂 𑀤𑀼𑀲𑁆𑀲𑀦𑁆𑀢𑀺 (𑀲𑁆𑀬𑀸.), 𑀦 𑀯𑁂 𑀤𑀺𑀲𑁆𑀲𑀦𑁆𑀢𑀺 (𑀧𑀻.), 𑀦 𑀯𑀺𑀤𑁂𑀲𑁆𑀲𑀦𑁆𑀢𑀺 (𑀓. 𑀅𑀝𑁆𑀞.)] 𑀲𑀧𑁆𑀧𑀜𑁆𑀜𑀸, 𑀤𑀺𑀲𑁆𑀯𑀸 𑀬𑀸𑀘𑀓𑀫𑀸𑀕𑀢𑁂;

𑀩𑁆𑀭𑀳𑁆𑀫𑀘𑀸𑀭𑀺 𑀧𑀺𑀬𑁄 𑀫𑁂𑀲𑀺, 𑀯𑀤 𑀢𑁆𑀯𑀁 [𑀯𑀭 𑀢𑀁 (𑀲𑀻.), 𑀯𑀭 𑀢𑁆𑀯𑀁 (𑀧𑀻.)] 𑀪𑀜𑁆𑀜𑀫𑀺𑀘𑁆𑀙𑀲𑀺 [𑀬𑀜𑁆𑀜𑀫𑀺𑀘𑁆𑀙𑀲𑀺 (?)].

𑁫𑁯. 𑀦 𑀯𑁂 𑀬𑀸𑀘𑀦𑁆𑀢𑀺 𑀲𑀧𑁆𑀧𑀜𑁆𑀜𑀸, 𑀥𑀻𑀭𑁄 𑀘 𑀯𑁂𑀤𑀺𑀢𑀼𑀫𑀭𑀳𑀢𑀺;

𑀉𑀤𑁆𑀤𑀺𑀲𑁆𑀲 𑀅𑀭𑀺𑀬𑀸 𑀢𑀺𑀝𑁆𑀞𑀦𑁆𑀢𑀺, 𑀏𑀲𑀸 𑀅𑀭𑀺𑀬𑀸𑀦 𑀬𑀸𑀘𑀦𑀸.

𑁬𑁦. 𑀤𑀤𑀸𑀫𑀺 𑀢𑁂 𑀩𑁆𑀭𑀸𑀳𑁆𑀫𑀡 𑀭𑁄𑀳𑀺𑀡𑀻𑀦𑀁, 𑀕𑀯𑀁 𑀲𑀳𑀲𑁆𑀲𑀁 𑀲𑀳 𑀧𑀼𑀗𑁆𑀕𑀯𑁂𑀦;

𑀅𑀭𑀺𑀬𑁄 𑀳𑀺 𑀅𑀭𑀺𑀬𑀲𑁆𑀲 𑀓𑀣𑀁 𑀦 𑀤𑀚𑁆𑀚𑀸, 𑀲𑀼𑀢𑁆𑀯𑀸𑀦 𑀕𑀸𑀣𑀸 𑀢𑀯 𑀥𑀫𑁆𑀫𑀬𑀼𑀢𑁆𑀢𑀸𑀢𑀺.

𑀅𑀝𑁆𑀞𑀺𑀲𑁂𑀦𑀓𑀚𑀸𑀢𑀓𑀁 𑀅𑀝𑁆𑀞𑀫𑀁.