𑁩𑁬𑁭. 𑀲𑀸𑀴𑀺𑀬𑀚𑀸𑀢𑀓𑀁 (𑁫-𑁨-𑁭)

𑁯𑁦. 𑀬𑁆𑀯𑀸𑀬𑀁 𑀲𑀸𑀴𑀺𑀬 [𑀲𑀸𑀮𑀺𑀬 (𑀲𑀻. 𑀲𑁆𑀬𑀸. 𑀧𑀻.), 𑀲𑀸𑀴𑀺𑀓 (?)] 𑀙𑀸𑀧𑁄𑀢𑀺, 𑀓𑀡𑁆𑀳𑀲𑀧𑁆𑀧𑀁 𑀅𑀕𑀸𑀳𑀬𑀺;

𑀢𑁂𑀦 𑀲𑀧𑁆𑀧𑁂𑀦𑀬𑀁 𑀤𑀝𑁆𑀞𑁄, 𑀳𑀢𑁄 𑀧𑀸𑀧𑀸𑀦𑀼𑀲𑀸𑀲𑀓𑁄.

𑁯𑁧. 𑀅𑀳𑀦𑁆𑀢𑀸𑀭 [𑀅𑀳𑀦𑀦𑁆𑀢 (𑀧𑀻.), 𑀅𑀳𑀭𑀦𑁆𑀢 (?)] 𑀫𑀳𑀦𑁆𑀢𑀸𑀭𑀁, 𑀬𑁄 𑀦𑀭𑁄 𑀳𑀦𑁆𑀢𑀼𑀫𑀺𑀘𑁆𑀙𑀢𑀺;

𑀏𑀯𑀁 𑀲𑁄 𑀦𑀺𑀳𑀢𑁄 𑀲𑁂𑀢𑀺, 𑀬𑀣𑀸𑀬𑀁 𑀧𑀼𑀭𑀺𑀲𑁄 𑀳𑀢𑁄.

𑁯𑁨. 𑀅𑀳𑀦𑁆𑀢𑀸𑀭 [𑀅𑀳𑀦𑀦𑁆𑀢 (𑀲𑀻. 𑀲𑁆𑀬𑀸. 𑀧𑀻.), 𑀅𑀳𑀭𑀦𑁆𑀢 (?)] 𑀫𑀖𑀸𑀢𑁂𑀦𑁆𑀢𑀁, 𑀬𑁄 𑀦𑀭𑁄 𑀳𑀦𑁆𑀢𑀼𑀫𑀺𑀘𑁆𑀙𑀢𑀺;

𑀏𑀯𑀁 𑀲𑁄 𑀦𑀺𑀳𑀢𑁄 𑀲𑁂𑀢𑀺, 𑀬𑀣𑀸𑀬𑀁 𑀧𑀼𑀭𑀺𑀲𑁄 𑀳𑀢𑁄.

𑁯𑁩. 𑀬𑀣𑀸 𑀧𑀁𑀲𑀼𑀫𑀼𑀝𑁆𑀞𑀺𑀁 𑀧𑀼𑀭𑀺𑀲𑁄, 𑀧𑀝𑀺𑀯𑀸𑀢𑀁 𑀧𑀝𑀺𑀓𑁆𑀔𑀺𑀧𑁂;

𑀢𑀫𑁂𑀯 𑀲𑁄 𑀭𑀚𑁄 𑀳𑀦𑁆𑀢𑀺, 𑀢𑀣𑀸𑀬𑀁 𑀧𑀼𑀭𑀺𑀲𑁄 𑀳𑀢𑁄.

𑁯𑁪. 𑀬𑁄 𑀅𑀧𑁆𑀧𑀤𑀼𑀝𑁆𑀞𑀲𑁆𑀲 𑀦𑀭𑀲𑁆𑀲 𑀤𑀼𑀲𑁆𑀲𑀢𑀺, 𑀲𑀼𑀤𑁆𑀥𑀲𑁆𑀲 𑀧𑁄𑀲𑀲𑁆𑀲 𑀅𑀦𑀗𑁆𑀕𑀡𑀲𑁆𑀲;

𑀢𑀫𑁂𑀯 𑀩𑀸𑀮𑀁 𑀧𑀘𑁆𑀘𑁂𑀢𑀺 𑀧𑀸𑀧𑀁, 𑀲𑀼𑀔𑀼𑀫𑁄 𑀭𑀚𑁄 𑀧𑀝𑀺𑀯𑀸𑀢𑀁𑀯 𑀔𑀺𑀢𑁆𑀢𑁄𑀢𑀺.

𑀲𑀸𑀴𑀺𑀬𑀚𑀸𑀢𑀓𑀁 𑀲𑀢𑁆𑀢𑀫𑀁.