𑁩𑁩𑁨. 𑀭𑀣𑀮𑀝𑁆𑀞𑀺𑀚𑀸𑀢𑀓𑀁 (𑁪-𑁪-𑁨)

𑁧𑁨𑁫. 𑀅𑀧𑀺 𑀳𑀦𑁆𑀢𑁆𑀯𑀸 𑀳𑀢𑁄 𑀩𑁆𑀭𑀽𑀢𑀺, 𑀚𑁂𑀢𑁆𑀯𑀸 𑀚𑀺𑀢𑁄𑀢𑀺 𑀪𑀸𑀲𑀢𑀺;

𑀧𑀼𑀩𑁆𑀩𑀯𑀓𑁆𑀔𑀸𑀬𑀺𑀦𑁄 [𑀧𑀼𑀩𑁆𑀩𑀫𑀓𑁆𑀔𑀸𑀬𑀺𑀦𑁄 (𑀲𑀻. 𑀲𑁆𑀬𑀸.)] 𑀭𑀸𑀚, 𑀅𑀜𑁆𑀜𑀤𑀢𑁆𑀣𑀼 [𑀏𑀓𑀤𑀢𑁆𑀣𑀼 (𑀲𑀻. 𑀧𑀻.)] 𑀦 𑀲𑀤𑁆𑀤𑀳𑁂.

𑁧𑁨𑁬. 𑀢𑀲𑁆𑀫𑀸 𑀧𑀡𑁆𑀟𑀺𑀢𑀚𑀸𑀢𑀺𑀬𑁄, 𑀲𑀼𑀡𑁂𑀬𑁆𑀬 𑀇𑀢𑀭𑀲𑁆𑀲𑀧𑀺;

𑀉𑀪𑀺𑀦𑁆𑀦𑀁 𑀯𑀘𑀦𑀁 𑀲𑀼𑀢𑁆𑀯𑀸, 𑀬𑀣𑀸 𑀥𑀫𑁆𑀫𑁄 𑀢𑀣𑀸 𑀓𑀭𑁂.

𑁧𑁨𑁭. 𑀅𑀮𑀲𑁄 𑀕𑀺𑀳𑀻 𑀓𑀸𑀫𑀪𑁄𑀕𑀻 𑀦 𑀲𑀸𑀥𑀼, 𑀅𑀲𑀜𑁆𑀜𑀢𑁄 𑀧𑀩𑁆𑀩𑀚𑀺𑀢𑁄 𑀦 𑀲𑀸𑀥𑀼;

𑀭𑀸𑀚𑀸 𑀦 𑀲𑀸𑀥𑀼 𑀅𑀦𑀺𑀲𑀫𑁆𑀫𑀓𑀸𑀭𑀻, 𑀬𑁄 𑀧𑀡𑁆𑀟𑀺𑀢𑁄 𑀓𑁄𑀥𑀦𑁄 𑀢𑀁 𑀦 𑀲𑀸𑀥𑀼.

𑁧𑁨𑁮. 𑀦𑀺𑀲𑀫𑁆𑀫 𑀔𑀢𑁆𑀢𑀺𑀬𑁄 𑀓𑀬𑀺𑀭𑀸, 𑀦𑀸𑀦𑀺𑀲𑀫𑁆𑀫 𑀤𑀺𑀲𑀫𑁆𑀧𑀢𑀺;

𑀦𑀺𑀲𑀫𑁆𑀫𑀓𑀸𑀭𑀺𑀦𑁄 𑀭𑀸𑀚 [𑀭𑀜𑁆𑀜𑁄 (𑀲𑀻. 𑀲𑁆𑀬𑀸.)], 𑀬𑀲𑁄 𑀓𑀺𑀢𑁆𑀢𑀺 𑀘 𑀯𑀟𑁆𑀠𑀢𑀻𑀢𑀺.

𑀭𑀣𑀮𑀝𑁆𑀞𑀺𑀚𑀸𑀢𑀓𑀁 𑀤𑀼𑀢𑀺𑀬𑀁.